2 Koranar 7:16 - mzwDBL

¹⁶ Ate, nɛra le bwɛjen Samaria ta, dɛ ka kah kwaa aa lɔ bela Siiria tena aa baa so la. Ba pa kwaa kohona, a ɡel ba yoɡ lakaja baa do mea suuɡapoŋ beŋkpoŋ, ɡɛ Korowii aa ŋɔa la.

2 Koranar 7:16 ပူးပေါင်းရင်းမြစ်များ

2 Koranar 7:1

Korowii keame Elaesa ŋɔ, “Hé no Korowii wa. Waa Korowii aa dɛ bol laanee kɛŋɔ, ‘Kere saŋ nɔ bɔr tenten, lakaja baa do mea o ta Samaria aa yoɡii dɔ, baa yawɔɔ suuɡapoŋ beŋkpoŋii.’ ”

2 Koranar 7:15

Ba ti ba ka tel Jɔɔdan Moo nyoa, dɛ Siiria tena pa ba yale ne ba laala ta ŋwɛnɛ ta, warane baa dɛ nyin dɛ chwa kaa nomanta. Asɛ toroma la berɛ ba dɛ ba ŋɔ kooro be.

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Aesaya 33:4

Gɛ tontombɛ aa dɛ di koo kwaa bwa la, ɡɛɛ baa ba ba laala pae laa ta a tonɛ.

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

1 Samoɛl 17:53

Israel tena la aa ti Filisti tena la dɛ berɛ ba la, ba la bela baa baŋre ba tɛnte deene dɛ so la, dɛ ka pa ba laala.