2 Koranar 7:1 - mzwDBL

¹ Korowii keame Elaesa ŋɔ, “Hé no Korowii wa. Waa Korowii aa dɛ bol laanee kɛŋɔ, ‘Kere saŋ nɔ bɔr tenten, lakaja baa do mea o ta Samaria aa yoɡii dɔ, baa yawɔɔ suuɡapoŋ beŋkpoŋii.’ ”

2 Koranar 7:1 ပူးပေါင်းရင်းမြစ်များ

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

2 Koranar 20:16

Aesaya ŋɔ Kooro Hɛsɛkea be ŋɔ, “Nemenɛ Korowii ŋɔ,

2 Koranar 4:42

Awola bɛl, baa bɛl le bwɛɛ baa dɛ yerɔ Baal Salisa, dɛ kpɔ meloɡla baa koma le koo ta a bena la, dɛ kpɔ ɛ paanoo fifraanɛ, dɛ kpɔ boyulwɛɛ ane ɡe ja ba tɛ Korowii keame Elaesa. Anee Elaesa ŋɔ, “Kpɔ tɛ n bala Korowii keamere baa pɛa dɛɛ valɛ nɔ bá di.”

2 Koranar 6:25

Baa tɔ Samaria tena do la ɡelɔ lɔr chole Samaria, asɛ ba yoɡ keeɡo nyu suuɡapoŋa fifraanuatoro. Dɛ yoɡ kweah bena lakaja del suuɡapoŋa anue.

2 Koranar 6:33

Elaesa ne ba ta aa dɛ bol waa la, dɛ kooro la dɛ tel o be dɛ ŋɔ, “Korowiirii ɡela wechɔɡa nɔ ba, n berɛ kpa Korowii ka tel saŋ besoo jaɔ?”

2 Koranar 7:16

Ate, nɛra le bwɛjen Samaria ta, dɛ ka kah kwaa aa lɔ bela Siiria tena aa baa so la. Ba pa kwaa kohona, a ɡel ba yoɡ lakaja baa do mea suuɡapoŋ beŋkpoŋ, ɡɛ Korowii aa ŋɔa la.

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Kaala 16:12

“N no Israel tena naɡra baa dɛ naɡre n waa la bwa. Ŋɔ ba be ŋɔ baa chwe ola jɔmɔraa, dɛ́ di kondikwaa chɔɔ dɛ́ vaɡɛ ɡɛ baa dɛ nyin, ásɛ dɛ jemɛ kɛŋɔ menee Korowii baa dɛ tom mɛ la.”

Kaala 8:23

Mɛɛ ɡeloo he jemɛ kɛŋɔ n nɛra korɛ he nɛra bini. Kere ɡbosoroo a ɡɛ nyokpowaa nɔ ɛɛ ba ɛɛ.’ ”

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Ɛsekeɛl 37:4

Anee Korowii ŋɔ n be ŋɔ, “Bol hoɡa la be, waa aa dɛ ba a nɛɛ bala. Ŋɔ á cheɡ deŋne dɛ́ no men Korowii wa.

Amanesoma Jɔn Aa Chwera Tɔn 6:9

“Bibaa bɛl lɔ ya bini bonɔ dɛ dɔ paanoo anue ne pɛŋa anɛ. Aah ɛrɛɛ a ɡe ɛɛ ba wona ɛ nɛndamanta nɔɔ?”

Josua 3:5

Josua ŋɔ Israel tena la be ŋɔ, “Hé laa he te kpɔ doŋa bɛlbwa ta dɛ́ do ɡoroŋ, kere Korowii ɛɛ ɛ nyokpowaa tɛ heya.”

Wepila 6:6

N no taa bɛl hweera kwaa anaarɛ la baah ta kɛŋɔ, “Tɔpebir kembɔree bá kpɔ yawɛ mea lakaja dela anɛ la, ásɛ anɔ la a yoɡ aa wola kpeɡe ɡe, tɔpebir kembɔree dɛɛ yawɛ lakaja dela anumɛl. Kɛ noo ne sen te, ɡel a chɔɡa.”

1 Samoɛl 11:9

Sɔɔl ne o nomonome ŋɔ toroma baa le Jabes la be ŋɔ, “Hé ka ŋɔ he nɛra be kɛŋɔ, ‘Le kere wee ne ŋɔ o che nyufala dɛ he dɔ lɛɛ.’ ” Toroma la aa laŋa dɛ ka bol Jabes tena la be la, ba sie lɛo kohona,

1 Samoɛl 15:1

Samoɛl ŋɔ Kooro Sɔɔl be ŋɔ, “Menee Korowii tomɛ n fuɡe noo do he nyu ta, dɛ cheɡe kooro tɛ o nɛra Israel tena. Berɛ no waa aa le Korowii be taraken.