2 Koranar 6:16 - mzwDBL

¹⁶ O chaŋe ŋɔ, “Dɛɛ berɛ ɔma, ya dɔ laa tena ba warɛ ɡwaa ba kwa.”

2 Koranar 6:16 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

Yela 55:18

Hɛɛ berɔ lɛɛ mɛ le n dɔma baa wara, laa maa kaa yoo ba ta, dɛ́ ba n ne sɔnɔnɔɔ ken.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Matiu 26:53

Haa jemɛ kɛŋɔ n fe ɛɛ wonoo yerɛ n Mɛɛ ŋɔ ó ba cha mɛ, ásɛ o ɡel nyundua toroma baa wola nyoa dɔe ba dɛ́ ba yo lɛɛ mɛ kɛɛ?

Yela 27:3

Dɛ laa tena bar mɛ cheme aa, n bambile aa teŋe. Hale n dɔma ba dɛ yoo mɛ kwaraa naa, hen Korowii nɛɛ n hwɛɡa ta do.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Felepae 1:28

dɛ́ berɛ dɔ bambile haa wola he dɔma ɔmɛ tamaa bɛlbwa bwa. He bambile dɔe la taa bá che jemɛ kɛŋɔ Korowii ɡbaɡba ɛɛ lɛ heyaa dɛ́ chɔɡ ba.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 3:6

N dɔma warɔ ɡɛ bɛlbwa kwaraa naa, maa ɔmɛ.

Amanesoma Mak Aa Chwera Tɔn 16:6

O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Yela 11:1

Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

Mumpar 32:1

Jekɔb chiɡ ŋwɛnɛ ta dɛɛ kaa, asɛ nyundua toroma ba chemo.

2 Koranar 6:15

Tɔ aa pera chɔmbibi la, Korowii keame Elaesa bonɔɔ iro dɛɛ le buse dɛ na kɛŋɔ, laa tena kpɔ jaɡre dɛ kwaa aa do kɛ torɔɡore bar bwɛjen la cheme. Anee o ka ŋɔ o dɔɔ be ŋɔ, “N dɔɔ, akwe! Ya na wa. Ɛrɛɛ yaa ba ɛɛ yɔ?”

Josua 11:6

Anee Korowii ŋɔ Josua be ŋɔ, “Hɛ́ɛ berɛ ɔma, kere saŋ nɔ bɔr, mɛɛ kpɔ baa do he Israel tena nɔn taa hé kpoo ba. Hé ɛ dɛ́ chaa ba jaɡre la nadɛɛne, dɛ́ fuh kwaa aa do kɛŋɔ torɔɡo ba vɔwa pɛl jaɡre la.”

Jeremia 39:17

Kɛ men Korowii ɛɛ lɛɛ awola tɔpere, baa wola hen lawɛ tɛ nɛra haa dɛ ɔm ba la.