2 Koranar 6:12 - mzwDBL

¹² Ba bini bɛl ŋɔ, “N naa kooro, ya bini bɛlbwa laa. Korowii keame Elaesa waa lɔ Israel laanee. Onee dɛɛ no wobɛlbwa haa dɛ bol, dɛ́ ka bol Israel kooro be. Hale waa haa sɔh so he dea dɛ́ bol bwa.”

2 Koranar 6:12 ပူးပေါင်းရင်းမြစ်များ

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Wejereme 10:20

Bɛ he liire ɛ kɛŋɔ, hɛɛ bol kooro bwara wechɔɡe bɛlee, kɛɛ dɛ́ taah suuɡate he dea haa chɔ o bini, dɛkalkɛ jumbie bɛl ken ɛɛ kpɔ waa haa bola laanee ka taa baɡ ba.

2 Koranar 5:3

Awola bɛl, bitolo la ŋɔ o nya la be ŋɔ, “N dɛ nyin kɛ n dɔɔ fe aa la Korowii keame bɛl waa lɔ Samaria be! O fe ɛɛ chaoh o wee nɔ kaa.”

2 Koranar 5:8

Korowii keame Elaesa aa noa kɛŋɔ Israel kooro laa o batakaare kɛɛ la, o tomɔ ba ka pɛɛro ŋɔ, “Bɔkwa waa bala he laa he batakaare kɛɛ? Tomɛ Naaman ó ba n be, ásɛ n baɡlo kɛŋɔ Korowii keame bɛl lɔ Israel harɛ ta.”

Kaala 8:3

Aa su Nael Moo bwaa dɛ́ ba le koodem ne o dea ne o chɔɔbɔr bwa. O nomonome ne o nɛra bwa deremi, ne bela baa dɛ ɛ kondikwaare, ne bela baa dɛ wɔɔ paanoo, dɛ kwaa baa dɛ charame paanoo a bini bwa taa aa ba sui.

2 Koranar 6:11

Siiria kooro baa na waa aa dɛ chiɡ, asɛ o baah di kohona o yerɛ o laa nomonome cheme dɛ bɔɔ ba ŋɔ, “He bini umee kpɔ ya waa kaa taa Israel kooro be nɔ?”

2 Koranar 6:13

Kooro la ŋɔ, “Hé nyin bela waa lole, mɛɛ ɡeloo ba ka lawɔ ba.” Asɛ ba no kɛŋɔ o lɔ bwɛjen Dotan.

2 Koranar 5:26

Elaesa ŋɔ, “Haa jemɛ kɛŋɔ ɡɛ saŋ Naaman aa le o torɔɡo bini, dɛ ba cheme he ne wɛɛ bol waa la, dɛ n lɔ bela n doma ja he nɛɛ kɛɛ? Saŋ ta tele kɛ he lɛ suuɡa kɛɛ yale ne ɔleve ne daa kooni, ne kooni ne peera, dɛ nae kɛɛ bonɔɔna ne toli.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.