2 Koranar 6:1 - mzwDBL

¹ Awola bɛl, Korowii keamere bane baa pɛa dɛɛ valɛ ŋɔ Elaesa waa ɛ ba sitɔɔ be ŋɔ, “Bela ya ne haa dɛ cheme la aa kanɛ.

2 Koranar 6:1 ပူးပေါင်းရင်းမြစ်များ

2 Koranar 2:3

Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”

1 Koranar 20:35

Ate, Korowii do o keamere baa pɛa dɛɛ valɛ la bɛl ŋɔ, ó ŋɔ o dɔŋ be ŋɔ, “Kpɔ he tokobii ŋwɛn mɛ.” Asɛ o vɛh.

1 Samoɛl 19:20

o tomɛ o bonɔɔna ŋɔ bá la ka lawɔ. Baa laŋa la, ba nao kɛŋɔ Korowii keamere aa wara dɛɛ bol Korowii wa, asɛ Samoɛl tɔ ba sie. Belaa Korowii Doma ba so Sɔɔl bonɔɔna la nɛɛ kpeɡri nɛ, asɛ ba ɡe ɛɛ bol waa la ane dɛɛ sa.

Josua 19:47

Dɛ a kpeɡri tɛ Dan dea tena lolanar kɛŋɔ ba lɛ harɛ la, anomanta, ba iro dɛ ka pu bwɛjen Lɛsem tena yo, dɛ kpoo ba dɛ lɛ bela so. Ba soɡe bela dɛ kpɔ ba nabaa Dan sɔn pao.

Josua 17:14

Asɛ Josef naanar ir la Josua be dɛ ka bɔɔro ŋɔ, “Ɛrɛ waa he tɛ yaa harɛ bɔrbeŋkpoŋ ɡbo o ɛ ya kapɛrɛ kon nɔɔ? Korowii swee andɛɛɡa tɛ yaa, dɛ́ ɡel ya warɛ.”

Job Tɔn 36:16

Korowii siwi beɡrɔ kɛ ó lawɛ dɛɛ le he wenaale ta, dɛ́ tɛɛ bosɔɔhna, dɛ́ ɡel he dɔ kondikondɛɛɡa kohona dɛɛ di.

2 Koranar 4:38

Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

2 Koranar 6:2

Gel ya kaa Jɔɔdan Moo ta, daa lɔ bela, ya ka teŋe dɛ́ kpɔ kwaa bɔr dɛ́ so bela.” Asɛ o ŋɔ, “Hé kaa.”

2 Koranar 2:5

Korowii keamere baa pɛa dɛɛ valɛ dɛ do Jeriko baa bɔɔ Elaesa ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Elaesa ŋɔ, “N jemɔ, hé hel, he bɛ a waa bol.”

2 Koranar 2:7

Korowii keamere baa pɛa dɛɛ valɛ fifraanue teŋɔ, dɛ ka jaɡɛ che ba ne ba baah tɛr tama, ba sie chaɡɛ bela Elaeja ne Elaesa aa kaa che Jɔɔdan Moo la nyoa la.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,