27 Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.
Bam la aa le Korowii Dea Cheremibɔr la ta la, bwadabii weechɔɡa ane den le Miriam nɛ, o bwara bwa to kɛŋɔ yabi ken. Asɛ Arɔn ke nyiŋi Miriam, dɛ na kɛŋɔ bwadabii weechɔɡa le o nɛ.
Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,
Korowiirii dɛ́ tɛr Joab ne o lolanar deŋne a wa. Kórowii kpɔ ŋwɛra kɛɛ bwadabii weechɔɡa, kɛɛ nɛn waa dɛ valɛ daa ne, kɛɛ laa ta seo, kɛɛ kondikwaa nyae, ba ta ba naanar baa ka ba bwa nɛ!”
Asɛ Josua bɔɔro ŋɔ, “Ɛrɛɛ he tɛ yaa waa ken? Fini he ne Korowii ɛɛ dɔɔ taeh.” Israel tena bwa foɡro bwea dɛ kpoo, dɛ foɡre ba kabora, dɛ pɛ fuh ba bwa.
Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.
He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.