2 Koranar 5:22 - mzwDBL

²² Gehasi ŋɔ, “A som, n dɔɔree tom mɛ he be ŋɔ Korowii keamere baa pɛa dɛɛ valɛ banɛ bane le Efrem deŋɡarere harɛ ta dɛ ba o be taraken. Dɛ he tɛo suuɡapoŋa a tɔɡre aa ɛ kilore fifraatoro dɛ anaarɛ ne yadɛɛɡa bele anɛ.”

2 Koranar 5:22 ပူးပေါင်းရင်းမြစ်များ

2 Koranar 5:5

Kooro la ŋɔ, “Ir, mɛɛ chwerɛ tɔnee tɛɛ he kpɔ ka tɛ Israel kooro.” Ate, Naaman ir kpɔ suuɡapoŋa a tɔɡre aa ɛ kilore lafraatoro fifraanaarɛ, ne suuɡaswɛm kaɡboŋa anumɛl, dɛ yadɛɛɡa bele fi.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Jeremia 9:5

Dam dɛ neɡre o dɔŋ, bɛlbwa aa kasinteŋ bol. Nyosone ɡboo su ba nyoo, baa koh wechɔɡa ɛɛ ta.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

2 Koranar 2:3

Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

1 Koranar 20:39

Kooro aa ba dɛ kaa la, Korowii keame la yerɔ dɛ ŋɔ, “N naa kooro, he bonɔɔ lɔ laa ta asɛ laa tena la bɛl lawɛ dɔma la bɛl ba tɛ mɛ dɛ ŋɔ, ‘Nyiŋi baa nɔ nɛɛ tɛ mɛ o bɛ chwa, dɛ o chwao waa hɛɛ kpɔ he nyuu charɛ, kɛɛ he bɔ suuɡapoŋa kilore fifraatoro dɛ anaarɛ.

1 Koranar 20:35

Ate, Korowii do o keamere baa pɛa dɛɛ valɛ la bɛl ŋɔ, ó ŋɔ o dɔŋ be ŋɔ, “Kpɔ he tokobii ŋwɛn mɛ.” Asɛ o vɛh.

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

Josua 24:33

Sɔfo Eliasa ɡe baa sewɛ, asɛ ba huɡo bwɛjen Gebea harɛ waa ɛ o bibaa Fenehas kon ta. O lɔ Efrem deŋɡarere harɛ ta.

Sitɔɔla 14:12

O ŋɔ ba be ŋɔ, “Hé ɡel n bɔɔ heyaa wobobeele bɛl. Dɛ he wono baɡ mɛ o mun tɔpera anuanɛ yaa dɛ ba dii hanfalkondikwaa nɔ mun aa, mɛɛ tɛ heya yapondɛɛɡa fifraatoro ne yabele fifraatoroo.

2 Koranar 4:26

Chwa ka chemo dɛ́ pɛɛro ŋɔ, ‘He wobɛlbwa wer tɛɛ naa? He jaa ne he bii leaa?’ ” Haah la ŋɔ Gehasi be ŋɔ, “Ya bwa bwara kpeɡri.”

2 Koranar 5:21

Ate, Gehasi chwa tiu, Naaman aa naa kɛŋɔ nomɛl chwao teŋɛ o nɛɛ la, o tuo le torɔɡo la bini dɛɛ chemo, dɛ bɔɔro ŋɔ, “A som aa?”

2 Koranar 5:25

Ate, Gehasi berɛ la ka che o dɔɔ Elaesa sie. Elaesa bɔɔro ŋɔ, “Leperaa he leɔ?” Gehasi ŋɔ, “N dɔɔ, n ta bobɛlbwa laŋɛ.”

2 Koranar 2:5

Korowii keamere baa pɛa dɛɛ valɛ dɛ do Jeriko baa bɔɔ Elaesa ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Elaesa ŋɔ, “N jemɔ, hé hel, he bɛ a waa bol.”

2 Koranar 2:7

Korowii keamere baa pɛa dɛɛ valɛ fifraanue teŋɔ, dɛ ka jaɡɛ che ba ne ba baah tɛr tama, ba sie chaɡɛ bela Elaeja ne Elaesa aa kaa che Jɔɔdan Moo la nyoa la.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,