2 Koranar 5:17 - mzwDBL

¹⁷ Ate, Naaman ŋɔ, “Dɛ haa komɛlbwaa lɛ tenaa, amɔ tɛ men he bonɔɔ ŋwɛnɛ n ɛ bonɔ teera keeɡore anɛ aa dɛ ba wona che kaa dem. Maa kwaa kpoo fuh ɛ saraha tɛ voɡ bɛlbwa kpa atane Korowii ɡbo.

2 Koranar 5:17 ပူးပေါင်းရင်းမြစ်များ

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

2 Koranar 5:12

Anɔ bwa habɔɔ, bwɛjen Damaskɔs Mojena Abana ne Faapar laa wera Israel harɛ ta neerare bwa ta, ń fee ka sɔ n bwara kwaa raa?” Anomanta, o laa berɛ bandia ne dɛ kaa.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

2 Koranar 5:18

Kɛ kombeŋkpoŋ maa dɛ soŋe Korowii kɛŋɔ, dɛ n ne n dɔɔ kooro kaa jo Siiria harɛ voɡ Remɔn dea dɛ ɡuŋu harɛ naa, ó kpɔ kɛ mɛ.”