2 Koranar 5:13 - mzwDBL

¹³ Belaa Naaman bonɔɔna suuh tel o jwɛh dɛ ŋɔ, “Nomoa, dɛ wejena anee Korowii keame la ŋɔ he be ŋɔ he ɛ aa, he fe aa sɛh aa? Ɛrɛɛ haa wola won ka sɔ nee la ɡɛ waa bola la, ásɛ dɛ dɔ chaah nɔɔ?”

2 Koranar 5:13 ပူးပေါင်းရင်းမြစ်များ

Mumpar 41:43

O ɡelɔ o so o koo kon waa do kɛ torɔɡo bini, asɛ nɛra tɔ o sie dɛɛ ŋɔ, “Hé tɛ ŋwɛnɛ! Hé tɛ ŋwɛnɛ!” Gɛɛ a do ba kpɔ Josef cheɡ ŋɔ wɛɛ nyiŋi Ijipt harɛ la bwa ta.

1 Koranar 20:23

A habɔɔ la, Siiria Kooro nomonome baa jao ŋɔ, “Israel tena voɡare lɔ deŋɡarere ta, a waa ba won pɔ ya nɛɛ la. Kɛ dɛ ya ne ba yo harɛpɛɛ ta naa, ya bokpeɡa ɛɛ ɡwaa ba nɛɛ.

1 Koranar 20:31

Kooro Bɛn Hadad nomonome la o be dɛ ka ŋɔ, “Ya noɔ kɛŋɔ Israel koranar dɛ na nɛra sum. Gel ya kpɔ lweyale mile chara, dɛ kpɔ ɡboɡbie vɔwɛ nyuune, dɛ la kooro la be, o ken ɛɛ lɛɛ, dɛ bɛ hen kpo.”

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 2:12

Elaesa nao dɛ do lɔŋɔ yerɛ Elaeja ŋɔ, “N dɔɔ! N dɔɔ! Nɛn waa cheɡɛ Israel tena habɔɔ! He kaalɔ.” Elaesa ta on nae kpa. O kɛɛ o laala waa doa la bini anɛ, a baɡle kɛŋɔ o loo kuu kohona.

2 Koranar 5:10

Elaesa tomɛ o bonɔɔna la bini bɛl o be dɛ ka ŋɔ o be ŋɔ, “Ir la ka sɔ Jɔɔdan Moo kera anuanɛ, wee la ɛɛ le he nɛɛ he bwara berɛ kwaa kɛrɛdɛ.”

2 Koranar 5:3

Awola bɛl, bitolo la ŋɔ o nya la be ŋɔ, “N dɛ nyin kɛ n dɔɔ fe aa la Korowii keame bɛl waa lɔ Samaria be! O fe ɛɛ chaoh o wee nɔ kaa.”

2 Koranar 6:21

Israel kooro aa na ba la, o bɔɔ Elaesa ŋɔ, “N dɔɔ, ń kpoo ba kɛɛ?”

2 Koranar 8:9

Ate, Hasael kpɔ kondɛɛɡa bwa soo siwi baa dɛ ɛa Damaskɔs choɡ nyoɡmare fifraanaarɛ dɛ ka kɛ Elaesa. O laŋɔ dɛ ka che o sie dɛ ŋɔ, “He bonɔɔ Siiria Kooro Bɛn Hadad tom mɛ ŋɔ n bɔɔ kɛŋɔ wɛɛ ɡbaŋre o weela la taa yaa?”

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Aesaya 1:16

Hé sɔ he wechɔɡa ta dɛ́ laa doŋa bɛlbwa kpɔ he nɛ. Hé laa he wechɔɡwe-ɛɛla la kpɔ le n sie! Hé ɡel a ɛɛ,

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 23:9

Ásɛ harɛ nɔ ta ɡe, he bɛ nomɛlbwa he Mɛɛ dɛɛ yerɛ, dɛkalkɛ he Mɛɛ lɔ beŋkpoŋ ɡbo dɛ do nyundua.

Amanesoma Jɔn Aa Chwera Tɔn 13:8

Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”

Amanesoma Jɔn Aa Chwera Tɔn 9:7

Asɛ dɛ ŋɔ, “La tam la baa dɛ yerɔ Siloam la ta dɛ́ ka samɛ he sie.” Gɛ sɔn Siloam la munii kɛŋɔ “Ba tomɔ.” Waa laŋa dɛ ka samɛ o sie la tonɛ la, dɛ o dɛ na, dɛ berɛ ba buse.

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Kɔrent 1:27

Korowiirii saahna le waa nɛra aa dɛ liira wesale dɛ́ ɡel sihiih kpo wejerema, asɛ dɛ saah le ɡwɛɡra ɡe dɛ ɡel sihiih kpo kpeɡnɛra,

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

1 Samoɛl 24:11

N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.

1 Samoɛl 28:23

O vɛoh dɛ ŋɔ, “Máa di.” Kɛ o nomonome banɛ la ja haah la nɛ ba soŋo o no ba waa la. Ate, o ir harɛ dɛ so karajaŋ ta.

1 Samoɛl 9:10

Anee Sɔɔl chaŋe ŋɔ, “A wer, ya kaa.” Asɛ ba chiɡ ŋwɛnɛ ta dɛ kaa bwɛɛ Korowii nɛn la aa lole la ta.