2 Koranar 5:11 - mzwDBL

¹¹ Ate, Naaman baah di o laa berɛ dɛɛ naɡre waa ŋɔ, “N te dɛ lii kɛŋɔ wɛɛ leo dɛ́ ba soŋe Korowii waa dɛ tomɔ, dɛ́ kpɔ o nɔn viwe wee la ta dɛ́ chaah mɛ.

2 Koranar 5:11 ပူးပေါင်းရင်းမြစ်များ

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

2 Koranar 4:5

Anomanta, haah la kaa dem dɛ ka laa ɡbera tɔ o ne o bibaala la nɛ ɡɛ Elaesa aa ŋɔ o be la. O bii pa viine tɛo, asɛ o fuɡe noo la dɛɛ do a bini.

2 Koranar 5:10

Elaesa tomɛ o bonɔɔna la bini bɛl o be dɛ ka ŋɔ o be ŋɔ, “Ir la ka sɔ Jɔɔdan Moo kera anuanɛ, wee la ɛɛ le he nɛɛ he bwara berɛ kwaa kɛrɛdɛ.”

2 Koranar 5:12

Anɔ bwa habɔɔ, bwɛjen Damaskɔs Mojena Abana ne Faapar laa wera Israel harɛ ta neerare bwa ta, ń fee ka sɔ n bwara kwaa raa?” Anomanta, o laa berɛ bandia ne dɛ kaa.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Matiu 15:27

Belaa haah la ɡe sɛh ŋɔ, “Kasinteŋii, Nomoa, kɛ nyootena aa bechale kondikompuɡrere aa leera la ɡe di aa?”

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.

Matiu 8:8

Sooja nomoa la ŋɔ Yeesu be ŋɔ, “N Dɔɔ, n ta chɛɛ kɛŋɔ he ba n dem. Kɛ he cheɡɛ bonɔ ŋɔ wéela la le o nɛ aa, wɛɛ ɡbaŋroo,

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Amanesoma Jɔn Aa Chwera Tɔn 4:48

Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?