2 Koranar 4:8 - mzwDBL

⁸ Awola bɛl, Elaesa la bwɛɛ bɛl baa dɛ yerɔ Sunem ta, dɛ haah bɛl o nɔn bini aa wera lɔ bela. Haah la yerɛ Elaesa la o dem o ne o ka di kwa. Le awola tɔpere dɛɛ kaa la, Elaesa aa kpɔ bwɛɛ la ta baa kaa bwa, ɡɛɛ o la dem bela dɛ ka di kwa.

2 Koranar 4:8 ပူးပေါင်းရင်းမြစ်များ

Mumpar 19:3

Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.

2 Samoɛl 19:32

Dɛ Baasilai hwɛɛhrɔ kɛrɛdɛ, dɛ o dɔ bene fifraanuatoro. O dɔ suuɡa taeh, ɡɛ saŋ kooro fa aa soɡe Mahanaim la, dɛ onee dɛɛ tɛo kondikwa.

1 Koranar 1:3

Ate, ba ɡaaɡe Israel harɛ ta bwa dɛɛ nyin bechatolo waa wera tolo, asɛ dɛ ka dɔ bɛl bwɛɛ bɛl baa dɛ yerɔ Sunem ta baa yerɔ Abisaɡ, dɛ kpɔɔ ba tɛ Kooro Devid.

2 Koranar 4:18

Bie la baa kpeɡ. Awola bɛl, dɛ o mɛɛ ne nɛra dɛ komɛ mea koo ta, asɛ o la o be.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Job Tɔn 32:9

Nɛra baa hwɛɛhra ɡbo laa dɔ wejema, nɛra baa biɡra ɡe ɡbo laa dɛɛ no waa mun.

Sɛɡla 7:21

Haah la kpɔ neɡra ŋwɛnɛ ne wobosoma dɛ dɔɔ kaa.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 14:23

Anee o berɛ ŋɔ bonɔɔ la be ŋɔ, ‘La ŋwɛnɛre ta ne dahare, nomɛlbwa haa nao la, lawɔ ba ásɛ n dem bonɔ su.

Amanesoma Luk Aa Chwera Tɔn 24:29

kɛ ba ta on ŋwɛnɛ tɛɛ, dɛ soŋo ŋɔ, “Wee joɔ, bɔr dɛ bir, anomanta, ba yá chɔ.” Asɛ o sɛh o ne ba ka so.

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

Josua 19:18

Ba harɛ ta bwɛjenaa Jesreel ne Kɛsolɔt dɛ Sunem,

Sitɔɔla 19:20

Ate, banjena la ŋɔ, “Mɛɛ kaa he ne n demii. Mɛɛ tɛ heyaa komɛlbwa haa dɛ nyinii, kɛ waa aa hiah mɛɛ kɛ he bɛ bwɛɛ nɔ cheremibɔr bonɔ chɔ jwaana nɔ ne.”

1 Samoɛl 28:4

Filisti laa tena chemo dɛ ba baŋre ba tɛnte deene bwɛɛ Sunem, asɛ Kooro Sɔɔl ɡe boa Israel laa tena bwa nyoa ba baŋre ba tɛnte deene Gelboa Bwejen ta.