2 Koranar 4:38 - mzwDBL

³⁸ Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

2 Koranar 4:38 ပူးပေါင်းရင်းမြစ်များ

2 Koranar 8:1

Dɛ Korowii keame Elaesa fa ŋɔ haah bɛl waa le Sunem o chum o bie seo ta la be ŋɔ, “Kpɔ he dem tena ka so bobɛlbwa haa dɛ nyin tama. Korowii ŋɔ lɔr ɛɛ chiɡ harɛ nɔ ta bonɔɔ bene anuanɛ.”

2 Koranar 2:3

Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

2 Koranar 2:1

Saŋ bɛl telo kɛŋɔ dɛ Korowii dɛ ba Elaeja kpɔe dɛ́ kaa nyundua kawulewule ne. Dɛ Elaeja ne o bonɔɔ bɛl baa dɛ yerɔ Elaesa dɛ ba Gelɡal lee dɛ́ kaa.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

We-ɛɛla 15:36

A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Amanesoma Jɔn Aa Chwera Tɔn 21:9

Baa baa chuɡe la, ba na hɔla nii asɛ pɛŋe dawɛ a doa, asɛ paanoo chɔ bela.

Amanesoma Jɔn Aa Chwera Tɔn 21:5

Belaa o yer ba ŋɔ, “Bwɛɛla, he ta pɛŋa dɔe yaa?” Anee ba ŋɔ, “Ɔɔh, ya ta komɛlbwa dɔe.”

Amanesoma Luk Aa Chwera Tɔn 9:13

Anee Yeesu ŋɔ o habɔteŋra la be ŋɔ, “Hé tɛɛ ba kwaa bá di.” Waa ŋɔ ɡɛ la, ba chaŋo ŋɔ, “Paanoo anue ne pɛŋa anɛɛ ya dɔ. Nemenɛ ya la dɛ́ ka yawɛ kondikwaa ba tɛ nɛra nɔ bwa.”

Amanesoma Luk Aa Chwera Tɔn 8:38

Yeesu aa dɛ kaa la, anee baa la kwaa fa aa lɔ o nɛɛ la soŋo ŋɔ, “Gel n ne he kaalɔ.” Waa ŋɔ ɡɛ la, Yeesu ŋɔ o be ŋɔ,

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

Amanesoma Luk Aa Chwera Tɔn 4:25

N dɛ ŋɔ he be ŋɔ, ɡɛ saŋ Korowii keame Elaeja fa aa lole hwel che bene atoro korobie anumɛl bwaala aa wola nɛ, asɛ lɔr chole harɛ la bwa ta la, dɛ luhaahna warɔ dɛ do Israel tena bini,

Amanesoma Mak Aa Chwera Tɔn 6:37

Anee Yeesu chaŋ ba ŋɔ, “Hé nyin kwaa tɛɛ ba bá di.” Anee ba ŋɔ o be ŋɔ, “Yaa wonoo dɔ suuɡa damanta kɛŋɔ denaarere lafraanɛ dɛ́ yawɛ paanoo tɛ nɛra nɔ bwa dɔŋ bá di aa?”

Ɛsekeɛl 24:3

Kpɔ sɛɡla bol waa chaɡle Israel deŋnekpeɡ tena la be ŋɔ, men Nemenɛ Korowii ŋɔ, ‘Hé ɛ nee do vii bini, dɛ́ kpɔ chɔŋɛ nii ta.

Ɛsekeɛl 14:13

“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe.

Sɛɡla 8:34

Nɛn waa dɛ no n waa la, o na som, nɛn waa dɛ so n dem doonyoa kɛɛ dɛɛ kpa bela la, o na som.

2 Samoɛl 21:1

Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

1 Samoɛl 19:20

o tomɛ o bonɔɔna ŋɔ bá la ka lawɔ. Baa laŋa la, ba nao kɛŋɔ Korowii keamere aa wara dɛɛ bol Korowii wa, asɛ Samoɛl tɔ ba sie. Belaa Korowii Doma ba so Sɔɔl bonɔɔna la nɛɛ kpeɡri nɛ, asɛ ba ɡe ɛɛ bol waa la ane dɛɛ sa.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Mumpar 25:29

Awola bɛl, Jekɔb dɛ daa kondikwaa ane, dɛ lɔr lawɛ Esɔ taeh o le kpɔɡ bini ba.

2 Koranar 4:39

Ba bini bɛl iro jo kpɔɡ bini, dɛ ka toɡri papooni ane baa dɛ dia. Waa laŋa la, o kaa na kpɔɡ bini juɡ dɛ pa o nɔna do o yal ta. Dɛ nomɛlbwa aa a konsoo jemɛ, dɛ ba peɡra dɛ pa do vii la ne dɔr la ta.

Ɛsekeɛl 11:3

Ba dɛ bol ŋɔ, ‘Saŋ aa chɛ kɛ ya do deene ta telaa? Bwɛjen nɔ do kɛŋɔ vii baa kpɔa dɛɛ daa kwa, asɛ ya ɡee ola aa lɔ o bini.’

Ɛsekeɛl 11:7

Anomanta, men Nemenɛ Korowii ŋɔ, ‘Nɛra haa kpoo ba perɛ bobɛlbwa laanee ola la, asɛ bwɛjen nɔ ɡee vii la. Kɛ mɛɛ doŋi heyaa le o ta.

Emɔs 7:14

Emɔs chaŋo ŋɔ, “N ta Korowii keame ɛɛ, kɛɛ dɛ ɛ Korowii keame bie. Dɛ peteɡree men, asɛ n berɛ dɛɛ nyiŋi fiɡ daa ta.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”

Job Tɔn 30:4

Kpɔɡ la binii ba toɡri papooni a bini aa do nyɛɡre, ne dalune a ɛ ba kondikwa.