2 Koranar 4:31 - mzwDBL

³¹ Dɛ Gehasi tɔ sie kaa dɛ ka kpɔ daŋɡbala la bil bie la sie, kɛ o ta wobɛlbwa ɛɛ á ba ɛ kɛŋɔ wɛɛ iruu. Anomanta, Gehasi laa berɛ dɛ ka cheme Elaesa dɛ ŋɔ o be ŋɔ, “Bie la ta ire.”

2 Koranar 4:31 ပူးပေါင်းရင်းမြစ်များ

Amanesoma Jɔn Aa Chwera Tɔn 11:11

Waa bol ɡɛ tonɛ la, o berɔ ŋɔ, “Domii ya dam Lasorɔs chɔ, anomanta, mɛɛ lao dɛ́ ka chumu.”

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Amanesoma Mak Aa Chwera Tɔn 5:39

Waa jo bela la, o ŋɔ, “Ɛrɛɛ hɛɛ do ɡbɔɡa dɛɛ wi nɔɔ? Bie la ta sewɛ, domii wɛɛ chɔ.”

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Job Tɔn 14:12

ɡɛɛ nɛn yon sewɛ, waa wola ir kpa. Nyundua ne harɛ taa lole nɔ, waa won ir kpa.

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

1 Koranar 18:26

Ate, ba lawɛ nao baa kpɔa tɛɛ ba la, dɛ ɛo dɛ soŋe voɡ Baal ɡwɛeh le chɔɔbɔr ka tel webaŋa wee aa baa tel nyufala. Dɛɛ ŋɔ, “N naa Baal, no yaa ɔ.” Ba sao bar kon baa dɛ ɛ saraha o ta la, ba ta wobɛlbwa nae, ba ta wobɛlbwa ɡe noɛ.

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

1 Samoɛl 14:37

Anomanta, Kooro Sɔɔl bɔɔ Korowii ŋɔ, “Mɛɛ won la ka yo Filisti tena la kɛɛ? Yaa won pɔ ba nɛ aa?” Kɛ Korowii ta on chaŋɛ awola tɔpere.

2 Koranar 4:32

Elaesa tel dem bela dɛ ka jo o dea, dɛ bie la sewɔ chɔ o mpa ta.

2 Koranar 5:20

Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”

2 Koranar 8:1

Dɛ Korowii keame Elaesa fa ŋɔ haah bɛl waa le Sunem o chum o bie seo ta la be ŋɔ, “Kpɔ he dem tena ka so bobɛlbwa haa dɛ nyin tama. Korowii ŋɔ lɔr ɛɛ chiɡ harɛ nɔ ta bonɔɔ bene anuanɛ.”