2 Koranar 4:27 - mzwDBL

²⁷ Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

2 Koranar 4:27 ပူးပေါင်းရင်းမြစ်များ

2 Samoɛl 7:3

Anee Netan chaŋe ŋɔ, “Ɛ wobɛlbwa aa lɔ he liire bini, dɛkalkɛ Korowii ja he nɛ.”

Mumpar 18:17

Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ?

Matiu 15:23

Yeesu ta on chaŋɛ, asɛ o habɔteŋra la ba o be dɛ soŋo ŋɔ, “Gel haah nɔ kaa kɛ waa teŋɛ ya nɛɛ dɛɛ do yaa ɡbɔɡa la!”

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Sɛɡla 18:14

Liire haa dɔ he weela ta kɛŋɔ hɛɛ ɡbaŋroo la, dɛ ɛ ɡɛ, dɛ he ta ɡɛ liire dɔe yaa, dɛ hwɛɡa toole.

Sɛɡla 14:10

Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

2 Koranar 6:12

Ba bini bɛl ŋɔ, “N naa kooro, ya bini bɛlbwa laa. Korowii keame Elaesa waa lɔ Israel laanee. Onee dɛɛ no wobɛlbwa haa dɛ bol, dɛ́ ka bol Israel kooro be. Hale waa haa sɔh so he dea dɛ́ bol bwa.”

2 Koranar 4:25

Anomanta, ba leɔ dɛɛ kaa Korowii keame Elaesa be Kaamɛl Bwejen ta. Korowii keame la aa nao bojaŋ la, o ŋɔ o bonɔɔ Gehasi be ŋɔ, “Nyiŋi na, haah la waa le Sunem laanee dɛɛ ba la.

1 Samoɛl 1:10

Dɛ o bambile chɔɡɔ kɛrɛdɛ, o wi dɛɛ soŋe Korowii.

Amanesoma Jɔn Aa Chwera Tɔn 15:15

Maa heyaa n bonɔɔna yerɛ kpa, dɛkalkɛ bonɔɔ naa won jemɛ o nomoa waa bini. N daamanaree mɛɛ yerɛ heyaa name te, dɛkalkɛ n ɡelɔ he jemɛ wobɛlbwa maa noa dɛ le n Mɛɛ be.

Amanesoma Jɔn Aa Chwera Tɔn 4:27

Belaa Yeesu habɔteŋra la ba. Baa baa na o ne haah naa cheɡa dɛɛ bol waa la, a ɛɛ ba anebɛlbwa. Kɛ ba bɛlbwa ɡe ta berɛ won bɔɔ haah la kon la waa dɛ nyin Yeesu be. Bɛlbwa ta wone bɔɔ Yeesu waa aa bala o ne haah la ɛɛ bol waa la.

Amanesoma Luk Aa Chwera Tɔn 7:38

dɛ ba ɡuŋi Yeesu jwɛh dɛ wi ta o napaala ta, dɛ kpɔ o nyumpona fee o sinii la waa wia ta Yeesu napaala ta la, dɛ mo o napaala, dɛ fuɡe nosɔɔhsoma la fɔɡla.

Amanesoma Mak Aa Chwera Tɔn 14:6

Asɛ Yeesu ŋɔ, “Hé ɡelo jeiih ken. Ɛrɛɛ hɛɛ hao ɡɛ nɔɔ? Wedɛɛɡee o ɛɛ mɛ la.

Amanesoma Mak Aa Chwera Tɔn 10:13

Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. Asɛ o habɔteŋra la kɔɡre nɛra la ŋɔ bá kpɔ ba bii la le le!

Matiu 28:9

Buɡ la ta, Yeesu chem ba ŋwɛnɛ ta dɛ chɔɔ ba, asɛ ba tel o be dɛ ɡuŋi lawɛ o napaala dɛɛ duuru.

Matiu 20:31

Dɛ nɛnlaa la dɛ kah ba ŋɔ bá tɔ nyoa. Kɛ dɛ namee ba taa dooɡe lɔŋɔre kohona dɛɛ yerɛ, “N Dɔɔ, Devid Naa, na ya sum!”

2 Koranar 4:26

Chwa ka chemo dɛ́ pɛɛro ŋɔ, ‘He wobɛlbwa wer tɛɛ naa? He jaa ne he bii leaa?’ ” Haah la ŋɔ Gehasi be ŋɔ, “Ya bwa bwara kpeɡri.”