2 Koranar 4:25 - mzwDBL

²⁵ Anomanta, ba leɔ dɛɛ kaa Korowii keame Elaesa be Kaamɛl Bwejen ta. Korowii keame la aa nao bojaŋ la, o ŋɔ o bonɔɔ Gehasi be ŋɔ, “Nyiŋi na, haah la waa le Sunem laanee dɛɛ ba la.

2 Koranar 4:25 ပူးပေါင်းရင်းမြစ်များ

2 Koranar 2:25

Elaesa le bela dɛ teeh kaa Kaamɛl Bwejen doa, dɛ le bela kaa bwɛjen Samaria ta.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

1 Koranar 18:42

Kooro Ahab aa kaa kwaa dii la, Elaeja berɔ teeh kaa Kaamɛl Bwejen doa dɛ ka boŋɛ dɛ kpɔ o nyu do o naa baah.

1 Koranar 18:19

Yerɛ Israel tena, ba bwa ba chem mɛ Kaamɛl Bwejen doa. Yerɛ Baal waa ɛ voɡbaa tena lafraanaarɛ fifraanue, ne voɡhaah Asera tena lafraanaarɛ, ba ne haŋkooro Jɛsɛbɛl pɛ nɔn dɛɛ di kwa o dem la.”

2 Koranar 4:24

Ate, o pa kwaa pa keeɡo la ta dɛ ŋɔ o bonɔɔ la be ŋɔ, “Dɛɛ kaa warawara, nemenɛ n ŋɔ he be ŋɔ hɛɛ kaa tama tama.”

2 Koranar 4:26

Chwa ka chemo dɛ́ pɛɛro ŋɔ, ‘He wobɛlbwa wer tɛɛ naa? He jaa ne he bii leaa?’ ” Haah la ŋɔ Gehasi be ŋɔ, “Ya bwa bwara kpeɡri.”

2 Koranar 4:27

Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

2 Koranar 1:9

Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”

2 Koranar 5:20

Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”

2 Koranar 8:4

Dɛ kooro fa bol waa Korowii keame Elaesa bonɔɔ Gehasi be ŋɔ, “Baɡ mɛ nyokpowe-ɛɛla bwa Elaesa aa ɛa.”