2 Koranar 3:7 - mzwDBL

⁷ Dɛ tomɛ toroma Juda Kooro Jehosafat be ŋɔ, “Moab kooro ɛ lwɛmkpeɡ n nɛ, hɛɛ ja n nɛɛ ń ka yoo wa aa?” Anee Kooro Jehosafat ŋɔ, “Ɔɔh, n teŋɛ he nɛ, n laa tena ne n jaɡre bwa lɔ he nɔn ta.”

2 Koranar 3:7 ပူးပေါင်းရင်းမြစ်များ

1 Koranar 22:4

Asɛ Kooro Ahab bɔɔ Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, n jaɡre ɡe ɛ he kwa.”

2 Koranar 13:20

Korowii keame Elaesa baa sewɛ asɛ ba huɡo. Dɛ benanyoa bɛlbwa, Moab tena yon lɔ ba tɔ Israel tena nɛɛ dɛ́ kah ba kwa, dɛ́ berɛ kaa warane.

2 Koranar 3:6

Gɛ saŋ la, Kooro Joram le Samaria, dɛ ka boa Israel laa tena bwa nyoa.

2 Koranar 3:8

Dɛ berɛ ŋɔ, “Ŋwɛnɛ besoo taa yá kpɔ dɛ́ ka yoo?” Asɛ Kooro Joram ŋɔ, “Yaa kpɔ Edom pua hɛŋle ɡbo harɛ la taa.”

2 Koranar 3:9

Ate, Israel Kooro Joram ne Juda Kooro Jehosafat, dɛ Edom kooro kpɔ ba laa tena le. Ba valɔ kpɔ ŋwɛnɛ waa ɡoɡla ta tɔpera anuanɛ, asɛ ba nee ba tonɛ, ane toole nɛra ne ba kondɛɛra nyɔ.

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.