2 Koranar 3:4 - mzwDBL

⁴ Dɛ Moab Kooro Mesa dɛ dɛɛ peera. Bena bɛlbwa, o yon kpɔ harɛ la ta kwaa kɛŋɔ pebiiri kaɡboŋa lafa, ne pebala pona kaɡboŋa lafa kaa tɛ Israel Kooro Joram.

2 Koranar 3:4 ပူးပေါင်းရင်းမြစ်များ

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Webena 18:2

O berɔ ka yo Moab tena ɡe dɛ pɔ ba nɛ, ba ba do o lɔɡa dɛ kpɔ harɛ la ta kwaa baa tɛo.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Yela 60:8

Moab harɛ nɛra ɛ n bonɔɔna, ba do kɛ loɡ maa dɛ loo kwaa o bini ken, mɛɛ kpɔ n naŋɡawaa ta Edom harɛ ta. N dɛ moo, dɛkalkɛ n pɔ Filisti tena nɛ.”