2 Koranar 3:23 - mzwDBL

²³ Asɛ ba ŋɔ, “Chalee! Koranar batoro la ne ba laa tena ka yoo dɛ kpoo ba te. Hé ba ya ka pa ba laala kɛŋɔ laa ta kwa!”

2 Koranar 3:23 ပူးပေါင်းရင်းမြစ်များ

2 Koranar 3:22

Baa ira chɔmbibi wee le dɛɛ yaɡɛ nee la sie la, Moab tena baa lɔ ba baŋ bɛl la nao kɛŋɔ nee la aa swɛɛra kɛŋɔ chal ken.

2 Koranar 3:24

Kɛ Moab tena aa ba bela Israel tena aa soɡa la, Israel tena la yoo ba ba chwa. Israel tena la chwao ti ba dɛɛ kpoo ba.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

Aesaya 10:14

N pa ba kondɔɔh kɛŋɔ jumbie kɔr ne hala ken. Gɛ nɛn yon ka pu kwaa hala kɛŋɔ a chɔ pɛɛpɛɛ o yon pa la, ɡɛɛ n kpɔ harɛre la bwa. Bɛlbwa ta parawe kɛɛ dɛ si.’ ”

Sitɔɔla 5:30

‘Ba ken pa laa ta kwaa dɛɛ bɔna, baa bɛlbwa dɔ haah beŋkpoŋ kɛɛ banɛ, Sisera ɡe dɔ laaladɛɛɡa baa sɔh kwaa dawɛ a ta, haahna laaladɛɛɡa aa wera dɛ́ ba tɛ mɛ. Anɔ bwa ɛ kwaa baa paa laa ta.’