2 Koranar 3:19 - mzwDBL

¹⁹ Hɛɛ yo bwɛjena baa ma danjwɛkpeɡa bara ne bwɛɛre nɛra bwaa, dɛ́ pɔ ba nɛ, dɛ́ teŋni daa aa dɛ nɔnɛ bwa ta, dɛ́ tɔɔɡe neerare aa dɛ palɛ bwa nyuune. Dɛ kpɔ bwea tɔɔɡe ba harɛdɛɛɡa bwa dɛ́ chɔɡa.”

2 Koranar 3:19 ပူးပေါင်းရင်းမြစ်များ

2 Koranar 13:17

Korowii keame Elaesa ŋɔ kooro la be ŋɔ, “Laa wee leebɔr tokoro nɔ pili.” Asɛ o laa pili. Elaesa ŋɔ o be ŋɔ, “Ta hɛm la.” Asɛ kooro la ta hɛm la ta. Korowii keame Elaesa ŋɔ, “Henee cheɡa tɛ Korowii hɛm waa che o ta dɛ́ ɡel he pɔ Siiria tena nɛ. Hɛɛ yoo ba bwɛjen Afɛk waa lɔ Siiria harɛ taa, ka tel kɛŋɔ haa pɔ ba nɛ kwaraa ken.”

2 Koranar 3:25

Ba chɔɡ ba bwɛjena, asɛ Israel tena baa chwaa dɛɛ kaa la, bɛlbwa kpɔ vamtor bwe ta harɛdɛɛɡe la ta, ka tel kɛŋɔ waa sua, asɛ nenapale bɛlbwa nyu teŋe, dɛ teŋni daa aa dɛ nɔnɛ ɡe bwa ta. Ba bwɛjen baa dɛ yerɔ Kir Haresɛt ɡboo baa ka, kɛ baala baa kpoŋe vamtore baa bar bwɛjen la dɛ yoo ba.

1 Samoɛl 23:2

Asɛ o bɔɔ Korowii ŋɔ, “Ń ka yo Filisti tena nɔ naa?” Anee Korowii chaŋo ŋɔ, “Kaa ka yoo ba, dɛ́ lɛ Keila tena ta.”

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.

Mumpar 21:19

Belaa Korowii ɡel o sie chole bule bɛl ta, asɛ o la ka dɔ nee do oltɔn la bini, dɛ ka tɛ bie la ane o nyɔ.