2 Koranar 24:8 - mzwDBL

⁸ Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro. O nya sɔne Nehusta, o mɛɛ ɡe sɔne Ɛl Netan, o le Jerusalam.

2 Koranar 24:8 ပူးပေါင်းရင်းမြစ်များ

2 Webena 36:9

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro dɛ tɔpera fi. Kooro Jehoiachin ɡe ɛ wechɔɡa dɛ jo Korowii nɛ.

1 Webena 3:16

Jehoiakim ɡe lolɛ bibaala banɛ, banee Jehoiachin ne Sedekia.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 22:24

Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Jeremia 22:26

Mɛɛ ɡeloo bá lawɛ he ne he nya laa ta kaa bojaŋ harɛfale ta. Harɛ baa wola he bini bɛlbwa o ta lolɛ, ásɛ he bwa so bela serewe.