2 Koranar 24:2 - mzwDBL

² Korowii tomɛ laa tena le Babelɔn ne Siiria ne Moab, dɛ Amɔn harɛre ta ŋɔ bá ba yo Kooro Jehoiakim dɛ́ chɔɡ Juda harɛ, ɡɛ o fa aa cheɡɛ o bonɔɔna keamere nɛɛ dɛ bol ŋɔ wɛɛ ɛo la.

2 Koranar 24:2 ပူးပေါင်းရင်းမြစ်များ

2 Koranar 20:17

tɔpere bɛl dɛ ba, ásɛ nɛra ba kpɔ komɛlbwa aa lɔ he koodem ne kwaa he naawa aa nyina cheɡ ba le fini nɔ kaa Babelɔn harɛ ta, komɛlbwa aa wola ka.

2 Koranar 22:16

Korowii ŋɔ o dɛ ba Jerusalam nɛra deŋne tɛra, ɡɛ waa baa chwera do Juda kooro tɔn bini aa dɛ baɡle la,

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

2 Koranar 6:23

Anomanta, kooro ɡelɔ ba ɛ kondikonjena tɛɛ ba ba di, o tɛɛ ba nee ne sen ba nyɔ. Dɛ ta ba ŋwɛnɛ ba kaa ba dɔɔ be. Le bela dɛɛ kaa la, a biɡro Siiria laa tena ta Israel harɛ ta balɛ dɛ ba lɔ tɔ ba nɛɛ kpa.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

Job Tɔn 1:17

O ɡe nyoa ta chiɡe, dɛ torome bɛl ɡe balɔ dɛ ba ŋɔ, “Kaldea tena baa kpoŋe dɔmkwaa dɛɛ ŋwɛ bɔne ba bini nɛmbele batoro, dɛ ba lɔ jo ya bini, dɛ lawɛ he nyoɡmare la bwa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

Aesaya 13:5

Ba le harɛre jaɡa bojaŋ dɛɛ ba. Bandia nee Korowii ɛɛ ba ba ne, bá ba chɔɡ harɛ la bwa.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Jeremia 25:1

Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 26:20

Dɛ baa bɛl ɡe lole baa yerɔ Uria, o mɛɛ sɔne Sɛmaya dɛ le bwɛɛ Kiriat Jearim. O ɡe bol waa Korowii sɔn ta, waa aa dɛ ba bwɛjen nɔ ne harɛ nɔ ta bala, ɡɛ Jeremia fa aa bola la.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 32:28

N dɛ ba bwɛjen nɔ kpɔe do Babelɔn Kooro Nebukadnesa ne o laa tena nɔn ta, ásɛ ba yoo dɛ́ pɔ o nɛra nɛ,

Jeremia 35:11

Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”

Jeremia 52:28

Nɛra Babelɔn Kooro Nebukadnesa aa laɡ ba laa ta kaa bojaŋ harɛfale ta laanee teŋa nɔ. O kora dii bene anuanɛ ta la, Juu tena lɔ kaɡboŋa batoro fifraanɛ dɛ batoro,

Wiile 1:17

Jerusalam do kɛŋɔ nɛn waa ta nɔn dɛɛ nyin nomɛl ó ba chao, kɛ nomɛlbwa toole dɛ́ ba larawe o bwara. Korowii do nɛra baa soɡa bar Israel, asɛ ba ba yoo laa, dɛɛ ɛo kɛŋɔ kondoŋ bɛl ken.

Ɛsekeɛl 19:8

Belaa harɛre nɛra pɛ dɛ ba yoo. Nɛra le bobɛlbwa dɛ ta ba asauri baro dɛ lawɔ.

Ɛsekeɛl 23:23

Baala baa le Babelɔn ne Asiiria dɛ Kaldea tena baa lɔ Pɛkɔd ne Soa dɛ Koa bwa ɛɛ ba he bee. Mɛɛ boa laa nomonome baa wera bonɔɔna, ne harɛ la ta nomonjena, ne laa nomonome baa soɡe jaɡre ta dɛɛ yo la bwa nyoaa, ba ba he be.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.