2 Koranar 23:4 - mzwDBL

⁴ Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

2 Koranar 23:4 ပူးပေါင်းရင်းမြစ်များ

2 Koranar 21:7

Kooro Manasɛ sɛh Asera voɡ dajaŋ, dɛ kpɔ ka pa Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Koranar 21:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

2 Webena 33:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡ Baal waa ɛ baa, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie, dɛ weweela bwa.

2 Koranar 25:18

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Amanesoma Jɔn Aa Chwera Tɔn 18:1

Yeesu aa soŋe Korowii tonɛ la, o ne o habɔteŋra la leɔ, dɛ ka le nenabɔɔ Kedrɔn. Dɛ ba ɛ bodɛɛɡe bɛl dɛ du daa ane bela, asɛ ba ka jo a baah.

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Emɔs 4:4

Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Jeremia 52:24

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

2 Webena 33:7

Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

2 Koranar 22:4

“La Sɔfonomoa Hilkia be, ásɛ o lɛ suuɡa nɛra aa dɛ ba a ne Korowii Dea la le nɛra baa dɛ nyiŋi doonyoone ta la be cheɡ.

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

1 Koranar 19:18

Nɛra kaɡboŋa banuanɛ lɔ Israel harɛ ta baa wola voɡ Baal ɡuŋe bwa, mɛɛ ɡel baa, maa ba tenee kpoo.”

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

1 Koranar 18:26

Ate, ba lawɛ nao baa kpɔa tɛɛ ba la, dɛ ɛo dɛ soŋe voɡ Baal ɡwɛeh le chɔɔbɔr ka tel webaŋa wee aa baa tel nyufala. Dɛɛ ŋɔ, “N naa Baal, no yaa ɔ.” Ba sao bar kon baa dɛ ɛ saraha o ta la, ba ta wobɛlbwa nae, ba ta wobɛlbwa ɡe noɛ.

1 Koranar 18:19

Yerɛ Israel tena, ba bwa ba chem mɛ Kaamɛl Bwejen doa. Yerɛ Baal waa ɛ voɡbaa tena lafraanaarɛ fifraanue, ne voɡhaah Asera tena lafraanaarɛ, ba ne haŋkooro Jɛsɛbɛl pɛ nɔn dɛɛ di kwa o dem la.”

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Koranar 12:29

O kpɔ bɛl ka cheɡ Bɛtel waa bɛne Jerusalam ta, asɛ dɛ kpɔ bɛl ɡe ka cheɡ Dan waa lɔ weekaŋle nyundua pera.

2 Samoɛl 15:23

Nɛra la bwa aa teŋa baa kaa ɡɛ la, bwɛɛ la tena bwa wio kɛrɛdɛ. Kooro ɡe ɛɡɛ Kedrɔn Fɛlembɔjen la le, asɛ o nɛra la bwa kpɔ sie pa pua hɛŋle ɡbo harɛ ta dɛ kaa.

Sitɔɔla 2:13

ɡɛ baa vɛh o toma dɛ kaa tomɛ voɡa Baalre ne voɡhaah Astɔrɛt la wa.

2 Koranar 21:5

Korowii Dea dembaahna anɛ la bini la, o ɛ kwaa baa dɛ ɛ saraha a ta baa tomɛ kwaa aa lɔ nyundua kɛŋɔ wee ne korobie, dɛ weweela.

2 Koranar 23:12

O ɡelɔ ba paɡre Juda koranar kwaa baa dɛ ɛ saraha a ta Kooro Ahas abrɔsane doa, ne ane Kooro Manasɛ ɡe aa kwaara a do Korowii Dea dembaahna anɛ ta. Dɛ paɡra a do mohooh ken ka ta Kedrɔn Fɛlembɔjen ta.

Ɛsekeɛl 8:6

Korowii ŋɔ n be ŋɔ, “Nɛwɛnyini bie, he na waa maa kia Israel tena ɛa bonɔ kenɛ? Waa aa doŋ mɛ le n Dea kaa bojaŋee ba ɛ la. Hɛɛ na anɔ la maa kia kohonaa á ɡwaa anɔ kwara.”

1 Koranar 15:13

O ir o naa Maaka haŋkora ta, dɛkalkɛŋɔ, o ɛ voɡ Asera daa aa ɛ kii kwaa la. Kooro Asa teŋni daa la dɛ fuah Kedrɔn Fɛlembɔjen ta.

2 Koranar 10:26

dɛ kpɔ bwe baa pao ɛ voɡ dɛɛ tomɔ la le dea la bini dɛ fuuh.

2 Koranar 12:10

Ba nao kɛŋɔ suuɡa warɛ o bini naa, koodem karake ne Sɔfonomoa yon ba kure dɛ́ pa do pure bini.

2 Webena 15:16

Kooro Asa ir o naa Maaka haŋkora ta, dɛkalkɛŋɔ o ɛ voɡ Asera daa aa ɛ kii kwaa la. Kooro Asa teŋni daa la, dɛ fuah Kedrɔn Fɛlembɔjen ta.

Sefania 1:4

Mɛɛ tɛr Juda harɛ, ne nɛra baa soɡe Jerusalam la bwa deŋnee. Mɛɛ chɔɡ voɡ Baal ne o komɛlbwaa kwaraa, ásɛ nomɛlbwa aa o kerekpoŋra la waa lii kpa.