2 Koranar 22:10 - mzwDBL

¹⁰ Safan berɛ ŋɔ kooro be ŋɔ, “N naa, sɔfo Hilkia kpɔ tɔn bɛl tɛ mɛ.” Asɛ Safan kure waa aa lɔ o bini baɡle kooro.

2 Koranar 22:10 ပူးပေါင်းရင်းမြစ်များ

Jeremia 36:21

Belaa kooro tomɛ Jehudi ŋɔ ó ka kpɔ tɔn la ba. Asɛ o la Elisama dea ka kpɔ ba, dɛ ba kure baɡle kooro ne nomonome baa cheɡa baro la bwa.

Jeremia 36:15

Anee nomonome la ŋɔ Baruk be ŋɔ, “Ya dɛ soŋe, so harɛ ásɛ dɛ kure baɡle ya ɡe.” Ate, Baruk kuro baɡ ba.

Jeremia 36:6

anomanta, ir la bela awola tɔpere baa dɛɛ vɔwɛ nyoa la, ásɛ dɛ kure tɔn la bini waa maa ɡela he chwerɛ do tɔn bini la bwa baɡle ba. Kura baɡle Juda tena baa le ba bwɛɛre ta ba la bwa.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

2 Webena 34:18

Ate, Safan waa ɛ karake dɛ chwerɛ waa dɛɛ bil la, berɛ ŋɔ kooro be ŋɔ, “N naa, sɔfo Hilkia kpɔ tɔn bɛl tɛ mɛ.” Asɛ o che kooro sie bela kure tɔn la bini waa baɡlo.

2 Koranar 22:9

Ate, Safan berɛ kaa Kooro Josia be, dɛ ŋɔ, “N naa kooro, he nomonome la kpɔ suuɡa aa lɔ Korowii Dea la do nɛra baa dɛ nyiŋi tom-ɛɛra la nɛɛ ne tom-ɛɛra la nɔn ta.”

2 Koranar 22:11

Kooro la aa no Mmara Tɔn la bini waa la, o laa o laala waa doa la kɛɛ, a baɡle kɛ o loo kuu.

Jeremia 36:13

Mikaya aa bol waa bwa waa noa Baruk kure le tɔn la bini baɡle nɛra la tonɛ la,

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.