2 Koranar 21:9 - mzwDBL

⁹ Kɛ Juda tena vɛoh, Kooro Manasɛ ɡelɔ ba nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

2 Koranar 21:9 ပူးပေါင်းရင်းမြစ်များ

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Jems 4:17

Anomanta, nomɛlbwa waa jemɛ waa aa wera kɛŋɔ o ɛ, dɛ vɛh ɛɛ la, dɛ o ɛ wechɔɡa.

Amanesoma Jɔn Aa Chwera Tɔn 15:22

N fe ta balɛ dɛ ba bol waa chaɡ ba aa, ba fe aa bolchɔɡee di. Kɛ taraken baa noa dɛ laa ba liire kpɔ a ta nomanta, ba ta nyoa dɔe dɛ́ bol le kpa.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Daneɛl 9:6

Ya ta waa he bonɔɔna baa ɛ he keamere la aa cheɡɛ he sɔn ta, dɛ bol ya koranar ne nomonome, ne ya naawa dɛ ya harɛ nɔ nɛra be la noɛ.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

2 Webena 33:9

Kooro Manasɛ ɡelɔ Juda harɛ ta nɛra nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Yela 12:8

Nyubinikpeɡ tena perɔ, dɛ valɛ dɛɛ ɡu, ba na waa aa wola were nɛra ɛɛ ɛaa, dɛ ba dɛ kpɛɛra.

2 Koranar 21:10

Korowii cheɡɛ o bonɔɔna baa ɛ o keamere nɛɛ ŋɔ,

Ɛsekeɛl 5:7

Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.

1 Samoɛl 8:19

Kɛ ane a bwa, nɛra la vɛoh ba ta Samoɛl waa la noɛ. Ba ŋɔ, “Ya dɛ nyin kooro ó baa nyiŋi ya nɛ.

2 Koranar 16:3

dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 22:3

Ŋɔ ba be ŋɔ, nɛra baa kpoora dɛ teŋɛ voɡa ta, dɛ kpɔ doŋa kah ba te nomanta, ba deŋnetɛra tɔpere dɛ ba.