2 Koranar 21:5 - mzwDBL

⁵ Korowii Dea dembaahna anɛ la bini la, o ɛ kwaa baa dɛ ɛ saraha a ta baa tomɛ kwaa aa lɔ nyundua kɛŋɔ wee ne korobie, dɛ weweela.

2 Koranar 21:5 ပူးပေါင်းရင်းမြစ်များ

1 Koranar 7:12

Koodem la dembaah ne Korowii Dea dembaah, dɛ pato baa cheɡɛ o ta dɛɛ jo Korowii Dea la, ba kpɔ bwea baa kwaara la ma sola atoro dɛ kpɔ peleme daa a teŋɛ dɔŋa nɛɛ dawɛ a ta.

2 Koranar 23:12

O ɡelɔ ba paɡre Juda koranar kwaa baa dɛ ɛ saraha a ta Kooro Ahas abrɔsane doa, ne ane Kooro Manasɛ ɡe aa kwaara a do Korowii Dea dembaahna anɛ ta. Dɛ paɡra a do mohooh ken ka ta Kedrɔn Fɛlembɔjen ta.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

1 Koranar 6:36

Korowii Dea la sie la, o ɡelɔ ba ma dembaah, dɛ ɡel ba kpɔ bwea baa sɛah ma danjwɛɛ baro. Ba kpɔ bwea atoro ma chɔŋɛ aa, dɛ ba kpɔ dola dawɛ a ta.

Ɛsekeɛl 44:19

Mɔɔ ba le ka jo habɔɔ dembaah la ta bela nɛra aa lole la, bá foo laala baa doa ɛ toma la bil deene aa do ɡoroŋ la bini. Bá kpɔ laala pɛɛne do, ásɛ a bɛ waa kpɔ ba ta nɛra la nɛ.

Ɛsekeɛl 43:5

Belaa Korowii Doma la kpɔ mɛ ir, dɛ ba n ne bini dembaah la ta, asɛ Korowii jirima su o Dea bela.

Ɛsekeɛl 42:3

Ŋwɛnɛ waa chɔ bini dembaah, ne onɔ la waa lɔ habɔɔ Korowii Dea la bɔr baah lɔ naɡale fifraatoro. Ba ma deene atoro chɔŋre dɔŋa nɛɛ kaa nyundua ŋwɛnɛ la baŋ bɛlbwa ta, a sie chaɡɛ dɔŋa, asɛ bɔr do a sie nɛn won che bela.

Ɛsekeɛl 40:47

Asɛ baa la maɡɛ dembaah la, o ɛ fɔɔskwɛɛ. O jaŋne lɔ naɡale lafa fifraanue, o paɡri ɡe naɡale lafa fifraanue. Asɛ saraha kon la che Korowii Dea la sie.

Ɛsekeɛl 40:37

Bela baa cheɡa dɛɛ jo la sie chaɡɛ habɔɔ dembaah la, asɛ ba ɛ bambie daa dawɛ danjwɛɛre la bɛlbwa ta, a do wer. Kwaa anuatoro do bela ba che a ta teeh dɛɛ kaa o ta.

Ɛsekeɛl 40:32

Baa la berɔ laɡ mɛ ba bini dembaah la ta, wee leebɔr pera, dɛ ba maɡɛ bela doonyoa la, o maɡa a ne anɔ la bwa ɛ kɛrɛdɛ.

Ɛsekeɛl 40:28

Ate, baa la kpɔ mɛ kpɔ weekaŋle harɛbɔr doonyoa la ta, dɛ ba n ne bini dembaah la ta. O maɡɛ doonyoa waa lɔ weekaŋle harɛbɔr la, asɛ o ne anɔ la bwa ɛ kɛrɛdɛ.

2 Webena 33:15

O berɔ le harɛre ane voɡa, ne voɡ waa sɛah ka cheɡ Korowii Dea, ne kwaa waa ɛa ba kpoo kwaa a ta ɛ sarahare dɛɛ tɛ voɡare, a do Korowii Dea deŋɡare doa Jerusalam la bwa ne, dɛ paa le bwɛjen la bini ka ta.

2 Webena 33:5

Korowii Dea dembaahna anɛ la bini la, o ɛ kwaa baa dɛ ɛ saraha a ta, baa tomɛ kwaa aa lɔ nyundua kɛŋɔ wee ne korobie, dɛ weweela.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Koranar 23:5

O ir kerekpoŋra Juda koranar aa cheɡ ba baa fuh konsɔɔhsoma deŋɡarere aa lɔ Juda harɛ ne bwɛɛre aa bar Jerusalam bwa ta, dɛɛ tɛ voɡ Baal ne wee ne korobie ne weweela, dɛ kwaa aa lɔ nyundua bwa.

2 Webena 4:9

Kooro Solomɔn ɡelɔ ba ɛ dembaah Korowii Dea la bini ne o baŋ tɛ sɔfore. Gbeni aa lɔ dembaah doonyoo la baahna la, ba kpɔ ayaawa ɛ a bwara.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.