2 Koranar 21:3 - mzwDBL

³ Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

2 Koranar 21:3 ပူးပေါင်းရင်းမြစ်များ

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

Mmarare 17:3

dɛ berɛ dɛɛ tomɛ voɡare ane, kɛɛ wee ne korobie dɛ weweela aa, amɔ o vɛh Korowii waa la ta teŋa.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Job Tɔn 31:26

n na ɡɛ wee aa dɛ lɔ dɛɛ chaah bɔr, kɛɛ korobie kaala ne o wer waa doa,

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

2 Webena 32:12

Kooro Hɛsɛkea laa paɡre kwaa baa ɛ saraha a ta dɛɛ tɛ Korowii ne bela baa dɛ tomɔ, dɛ ŋɔ Juda ne Jerusalam tena be ŋɔ, báa tomɛ dɛɛ fuh daawiile saraha kombeŋkpoŋ ɡbo ta la aa?

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

2 Koranar 8:27

Kooro Ahasia aa ɛ Kooro Ahab lole nomanta, o teŋɛ ŋwɛnɛ waa kpɔ o ta dɛ di kora la ta, dɛ ɛ wechɔɡa jo Korowii nɛɛ kɛŋɔ ɡɛ Kooro Ahab dem tena aa ɛa la.

2 Koranar 8:18

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

1 Koranar 18:26

Ate, ba lawɛ nao baa kpɔa tɛɛ ba la, dɛ ɛo dɛ soŋe voɡ Baal ɡwɛeh le chɔɔbɔr ka tel webaŋa wee aa baa tel nyufala. Dɛɛ ŋɔ, “N naa Baal, no yaa ɔ.” Ba sao bar kon baa dɛ ɛ saraha o ta la, ba ta wobɛlbwa nae, ba ta wobɛlbwa ɡe noɛ.

1 Koranar 18:21

Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.

Mmarare 16:21

He bɛ voɡhaah Asera dajaŋa paaɡe ja kon haa ɛo dɛɛ fuh saraha kwaa o ta dɛɛ tɛ Korowii haa dɛ tomɔ nɔ ta.

Mmarare 17:2

Dɛ a kaa ba kɛŋɔ he noɔ kɛŋɔ baa kɛɛ haah ɛ wechɔɡa, dɛ chɔɡ he ne Korowii haa dɛ tomɔ nɔ fɔo he bwɛɛre la bɛlbwa ta,

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

2 Koranar 13:6

Kɛ ba ta wechɔɡa Kooro Jɛroboam aa ɡela Israel tena ɛ dɛ jo Korowii nɛɛ la ta leɛ, dɛ ta teŋɛ dɛɛ ɛa. Ba ta voɡhaah Asera dajaŋa baa paaɡa Samaria la chɔɡɛ.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.