2 Koranar 20:3 - mzwDBL

³ “N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

2 Koranar 20:3 ပူးပေါင်းရင်းမြစ်များ

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 5:22

A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe.

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 15:14

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

1 Koranar 2:4

Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Koranar 20:2

Ate, Kooro Hɛsɛkea berɛ o sie chaɡɛ danjwɛ, dɛ soŋe Korowii ŋɔ,

2 Koranar 20:4

Mɔɔ Korowii keame Aesaya aa le koodem dembaah bela la, Korowii ŋɔ o be ŋɔ,

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Nehemia 13:14

N Naa Korowii maa dɛ tomɛ, nyiŋi waa maa ɛa kasinteŋ ne he Dea nɔ ta nɔ, ne ɡɛ baa dɛɛ tomɛ bela.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Job Tɔn 4:6

He tomɛ Korowii, wechɔɡa bɛlbwa aa wola toole he nɛ, a chɛ kɛ hɛɛ yarada dɛ dɔ hwɛɡa.

Yela 102:9

Tɔɔ ber mɛ kondikwa, siniire koo nee ta mɛɛ nyɔ,

Yela 119:26

N bol n wenaale baɡle, asɛ he chaŋ mɛ, baɡ mɛ he ŋwɛnɛre.

Yela 119:49

Lii men maa ɛ he bonɔɔ waa haa baɡ mɛ nyoa la. A ɡelɔ n dɔ hwɛɡa.

Yela 145:18

He bɛne banɔ la baa dɛ yerɛ bwa, nɛra baa dɛ yerɛ kasinteŋ ne la.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Yela 26:3

He nyina aa wola jaɡa dɔe bwa laanee dɛɛ baɡle mɛ ŋwɛnɛ, he kasinteŋ ɡe ɛɛ tɔ n sie.

Yela 32:2

Nɛn Korowii aa wola o wechɔɡa waa lii kpa, nyosone bɛlbwa aa wola toole o bini la, o na som.

Yela 39:13

Laa sie kpɔ n nɛ, ásɛ n sie berɛ lɛ ja, mɔɔ n sewɛ le harɛ nɔ ta.”

Yela 6:6

N pɛmɔ dɛ ba koh, jwaana bɛlbwaa n sinii ɛɛ yɔɔ mɛ kalaŋ ta, dɛɛ pweh n kapuri bwa!

Yela 6:7

Maa na kɛrɛdɛ kpa, wii dɔma aa ɡela mɛɛ wi nomanta.

Yela 89:47

Jemɛ kɛŋɔ nɛn mkpa aa jaŋɛ bɛlbwa. Lii kɛŋɔ he ta yaa ya ɛ nɛwɛnyina yaa dɛ ba wona sewɛ.

Yela 89:50

N Naa Korowii, lii men maa ɛ he bonɔɔ wa, n bwara dɛ nyɛɡ bammuɡla ne chɛɡa nɛra aa dɛ chɛɡ mɛ.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.