2 Koranar 2:9 - mzwDBL

⁹ Baa le nee la baŋ la, Elaeja ŋɔ Elaesa be ŋɔ, “Korowii ɛɛ ba kpɔ mɛɛ kaa taraken, bɔkwaa hɛɛ nyin kɛ ń ɛ tɛɛ mɔɔ ó ba kpɔ mɛ kaalɔ?” Asɛ Elaesa chaŋe ŋɔ, “Tɛ mɛ he kpeɡri nɔ dɔŋa bele anɛ, ásɛ n chiɡ he naa ta.”

2 Koranar 2:9 ပူးပေါင်းရင်းမြစ်များ

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Mmarare 21:17

A chɛ kɛŋɔ hé tɛ bie waa ɛ nomoa la bele anɛ, hale dɛ he chanche la bie laa kwaraa noo. A ɡɛ bie laanee o mɛɛ bonɔmbie, anomanta, biloɡle dibɔr chɛo.

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

We-ɛɛla 8:17

Pita ne Jɔn kpɔ ba nɔɔra darawe ba nɛ, asɛ Korowii ɡel o Domadɛɛɡe la ba so ba nɛ.

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Nɛra Kura 11:25

Asɛ Korowii do bam la bini, o ne Mosis bol wa, dɛ ɡel o Doma waa soɡe Mosis nɛɛ dɛɛ tɛo kpeɡri la ba so nomonome la nɛ. Korowii Doma la aa baa so ba nɛɛ la, ba dɔ kpeɡri dɛ won bol Korowii wa. A habɔɔ la, ba ta wone bol Korowii waa la kpa.

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

1 Kɔrent 12:31

Hé ɡel he sie beɡre, ásɛ hɛɛ nyin kpeɡri Korowii Domadɛɛɡe be, ásɛ dɛ won cha nɛra ŋwɛnɛre aa wera kohona la ta. Mɛɛ baɡle heyaa ŋwɛnɛ waa wera ɡwaa a bwa.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

Yela 72:20

Jese bibaa Kooro Devid wesoŋa la jaɡaa nɔ.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Mmarare 34:9

Nun bibaa Josua ɡe dɔ wejema kɛrɛdɛ, dɛkalkɛŋɔ dɛ Mosis leo ŋɔ ó chiɡ o naa ta. Dɛ Israel tena la dɛ teŋɛ waa Korowii aa cheɡɛ Mosis nɛɛ dɛ kpɔ tɛ Josua la ta dɛɛ no o be.

Yela 72:1

N Naa Korowii, baɡle kooro ɡɛ waa bol wa, dɛɛ pa bole aŋwɛnɛ ta, ɡɛ he wa aa toɡra. Baɡlo o do ɡɛ haa doa la,

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.