2 Koranar 2:6 - mzwDBL

⁶ Elaeja berɛ ŋɔ Elaesa be ja ŋɔ, “Korowii tom mɛ Jɔɔdan Moo la ta, kɛ so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Asɛ ba bwa kaa.

2 Koranar 2:6 ပူးပေါင်းရင်းမြစ်များ

Mumpar 22:6

Ate, o laa daa baa ka mar la kpɔ choɡ Aesek, dɛ ɡe kpɔ kere ne nii kpoŋe baa kaa.

Mumpar 22:8

Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.

2 Koranar 2:2

Baa dɛ kaa la, Elaeja ŋɔ Elaesa be ŋɔ, “So bonɔ, Korowii tom mɛ bwɛɛ bɛl baa dɛ yerɔ Bɛtel.” Anee Elaesa ŋɔ, “N ŋwɛɛ Korowii waa lole saŋ bɛlbwa, asɛ he ɡe do le nɔ kɛŋɔ n ne henee.” Asɛ ba bwa chiɡ ŋwɛnɛ ta kaa Bɛtel.

2 Koranar 4:30

Bie la nya la ŋɔ, “N ŋwɛɛ Korowii waa lole, asɛ he ɡe do le kɛŋɔ maa kaa ɡele.” Anomanta, ba bwa teŋɛ dɔŋa nɛɛ kaa.

Josua 3:15

Dɛ koo kwaa koma saŋee, asɛ moo la su halalaa ken. Sɔfore baa cheɡɛ Daka la aa kaa tel nee la nyoa la, ba napaala ne o leɡa dɛ o teŋo,

Josua 3:8

Dɛ berɛ ŋɔ o be ŋɔ, “Ŋɔ sɔfore baa cheɡɛ N Ne Nɛwɛnyina Fɔo Daka la be ŋɔ, ‘Haa dɛɛ jo Jɔɔdan Moo nee la ta la, hé den che bela, dɛ bɛ sie kaa.’ ”

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

1 Samoɛl 1:26

asɛ Hana bɔɔ sɔfo Eli ŋɔ, “N poori, n dɔɔ, he dɛ lii mɛ naa? Menee he faa na n che bonɔ dɛɛ soŋe Korowii la.

1 Samoɛl 20:3

Anee Devid ŋwɛɛ ŋɔ, “He mɛɛ jemɔ kɛŋɔ n dɛ nyin he wa, asɛ o lii o nyu bini ŋɔ, ‘Jonatan ta chɛ kɛ ó jemɛ ɡɛ waa nɔ, ɡɛ laa aa, o bambile ɛɛ chɔɡoo.’ N ŋwɛɛ Korowii waa lole saŋ bɛlbwa nɔ kɛŋɔ, n ne seo baah aa jaŋɛ kpa.”