2 Koranar 2:3 - mzwDBL

³ Dɛ Korowii keamere bane baa pɛa dɛɛ valɛ lɔ Bɛtel. Ba ba Elaesa be dɛ ba bɔɔro ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Anee o chaŋe ŋɔ, “N jemɔ, hé hel, he bɛ a waa bol.”

2 Koranar 2:3 ပူးပေါင်းရင်းမြစ်များ

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Koranar 20:35

Ate, Korowii do o keamere baa pɛa dɛɛ valɛ la bɛl ŋɔ, ó ŋɔ o dɔŋ be ŋɔ, “Kpɔ he tokobii ŋwɛn mɛ.” Asɛ o vɛh.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

2 Koranar 2:5

Korowii keamere baa pɛa dɛɛ valɛ dɛ do Jeriko baa bɔɔ Elaesa ŋɔ, “He jemɔ kɛŋɔ fini Korowii dɛ ba he dɔɔ kpɔe le he be kaa a ka he ɡbo aa?” Elaesa ŋɔ, “N jemɔ, hé hel, he bɛ a waa bol.”

2 Koranar 2:7

Korowii keamere baa pɛa dɛɛ valɛ fifraanue teŋɔ, dɛ ka jaɡɛ che ba ne ba baah tɛr tama, ba sie chaɡɛ bela Elaeja ne Elaesa aa kaa che Jɔɔdan Moo la nyoa la.

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”

2 Koranar 4:38

Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

2 Koranar 5:22

Gehasi ŋɔ, “A som, n dɔɔree tom mɛ he be ŋɔ Korowii keamere baa pɛa dɛɛ valɛ banɛ bane le Efrem deŋɡarere harɛ ta dɛ ba o be taraken. Dɛ he tɛo suuɡapoŋa a tɔɡre aa ɛ kilore fifraatoro dɛ anaarɛ ne yadɛɛɡa bele anɛ.”

2 Koranar 6:1

Awola bɛl, Korowii keamere bane baa pɛa dɛɛ valɛ ŋɔ Elaesa waa ɛ ba sitɔɔ be ŋɔ, “Bela ya ne haa dɛ cheme la aa kanɛ.

2 Koranar 9:1

Awola bɛl, Korowii keame Elaesa yerɛ Korowii keamere bane baa pɛa dɛɛ valɛ la bɛl dɛ ŋɔ o be ŋɔ, “Gbaa he batakaare kaa nyundua dɛ́ vɔwɛ kiriso, dɛ́ kpɔ noo nɔ aa lɔ loŋ nɔ bini nɔ la Ramɔt waa lɔ Gelead harɛ ta.

Aesaya 8:18

N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Emɔs 7:14

Emɔs chaŋo ŋɔ, “N ta Korowii keame ɛɛ, kɛɛ dɛ ɛ Korowii keame bie. Dɛ peteɡree men, asɛ n berɛ dɛɛ nyiŋi fiɡ daa ta.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Samoɛl 19:20

o tomɛ o bonɔɔna ŋɔ bá la ka lawɔ. Baa laŋa la, ba nao kɛŋɔ Korowii keamere aa wara dɛɛ bol Korowii wa, asɛ Samoɛl tɔ ba sie. Belaa Korowii Doma ba so Sɔɔl bonɔɔna la nɛɛ kpeɡri nɛ, asɛ ba ɡe ɛɛ bol waa la ane dɛɛ sa.