2 Koranar 2:15 - mzwDBL

¹⁵ Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

2 Koranar 2:15 ပူးပေါင်းရင်းမြစ်များ

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

2 Koranar 4:37

Asɛ o ɡuŋi Elaesa harɛ, dɛ kpɔ o bie dɛ le buse.

2 Koranar 2:19

Awola bɛl, bwɛjen Jeriko tena la Elaesa be dɛ ka ŋɔ, “Ya dɔɔ, he ɡbabir nao kɛŋɔ ya bwɛɛ nɔ chɔe wer, kɛ nee yaa dɛ nyɔ aa were, kondikwaa ɡe aa wer do ya harɛ nɔ ta.”

2 Koranar 2:7

Korowii keamere baa pɛa dɛɛ valɛ fifraanue teŋɔ, dɛ ka jaɡɛ che ba ne ba baah tɛr tama, ba sie chaɡɛ bela Elaeja ne Elaesa aa kaa che Jɔɔdan Moo la nyoa la.

Josua 4:14

Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Nɛra Kura 27:20

Tɛo kpeɡri haa dɔa la pera, ásɛ nɛra la bwa ɛɛ no o be.

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Koranar 20:35

Ate, Korowii do o keamere baa pɛa dɛɛ valɛ la bɛl ŋɔ, ó ŋɔ o dɔŋ be ŋɔ, “Kpɔ he tokobii ŋwɛn mɛ.” Asɛ o vɛh.

2 Koranar 5:22

Gehasi ŋɔ, “A som, n dɔɔree tom mɛ he be ŋɔ Korowii keamere baa pɛa dɛɛ valɛ banɛ bane le Efrem deŋɡarere harɛ ta dɛ ba o be taraken. Dɛ he tɛo suuɡapoŋa a tɔɡre aa ɛ kilore fifraatoro dɛ anaarɛ ne yadɛɛɡa bele anɛ.”

2 Koranar 9:1

Awola bɛl, Korowii keame Elaesa yerɛ Korowii keamere bane baa pɛa dɛɛ valɛ la bɛl dɛ ŋɔ o be ŋɔ, “Gbaa he batakaare kaa nyundua dɛ́ vɔwɛ kiriso, dɛ́ kpɔ noo nɔ aa lɔ loŋ nɔ bini nɔ la Ramɔt waa lɔ Gelead harɛ ta.

Emɔs 7:14

Emɔs chaŋo ŋɔ, “N ta Korowii keame ɛɛ, kɛɛ dɛ ɛ Korowii keame bie. Dɛ peteɡree men, asɛ n berɛ dɛɛ nyiŋi fiɡ daa ta.