2 Koranar 2:12 - mzwDBL

¹² Elaesa nao dɛ do lɔŋɔ yerɛ Elaeja ŋɔ, “N dɔɔ! N dɔɔ! Nɛn waa cheɡɛ Israel tena habɔɔ! He kaalɔ.” Elaesa ta on nae kpa. O kɛɛ o laala waa doa la bini anɛ, a baɡle kɛŋɔ o loo kuu kohona.

2 Koranar 2:12 ပူးပေါင်းရင်းမြစ်များ

Mumpar 37:34

Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 2:13

Dɛ Elaeja yal waa tɔɔ dɛɛ dawɛ o laala ta la leo le, asɛ Elaesa kpɔ dɛ berɛ la ka che Jɔɔdan Moo la nyoa.

2 Koranar 5:13

Belaa Naaman bonɔɔna suuh tel o jwɛh dɛ ŋɔ, “Nomoa, dɛ wejena anee Korowii keame la ŋɔ he be ŋɔ he ɛ aa, he fe aa sɛh aa? Ɛrɛɛ haa wola won ka sɔ nee la ɡɛ waa bola la, ásɛ dɛ dɔ chaah nɔɔ?”

2 Koranar 6:21

Israel kooro aa na ba la, o bɔɔ Elaesa ŋɔ, “N dɔɔ, ń kpoo ba kɛɛ?”

Job Tɔn 22:30

Nɛn wobɛlbwa aa wola toole o nɛɛ kwaraa la, Korowii ɛɛ lɛo, wɛɛ che he tepoŋ haa dɔa la taa dɛ lɛo.”

Sɛɡla 11:11

Nɛra ba wa aa toɡra we-ɛɛla taa a che bwɛɛ ɛɛ pili, dɛ berɛ che nɛnchɔɡe wobol ta bwɛɛ ɛɛ paɡre.

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Aesaya 37:15

Asɛ dɛ soŋe Korowii ŋɔ,

Aesaya 37:21

Ate, Emɔɔs bibaa Korowii keame Aesaya kpɔ kala tɛ Kooro Hɛsɛkea ŋɔ, “Waa Korowii Israel tena aa dɛ tomɔ aa dɛ bol laanee kɛŋɔ, o no Asiiria koojen Senakerib wesoŋa haa soŋo la,

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Luk Aa Chwera Tɔn 2:15

Nyundua toroma la aa le peteɡra la be dɛ kaa nyundua la, ba ŋɔ dɔŋa be ŋɔ, “Hé ɡel ya la Bɛtlɛham dɛ́ ka na waa aa chiɡ bela, asɛ N Naa Korowii che nyundua toroma nɔ nɛɛ dɛ ba bol ya be nɔ.”

Amanesoma Luk Aa Chwera Tɔn 24:51

O Korowii soŋa dɛ tɛɛ ba ta la, o le ba jwɛh, asɛ Korowii kpɔɔ kaa nyundua.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

We-ɛɛla 8:2

Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

2 Kɔrent 5:2

Ya bwadabii nɔ te pe yaa. Ya sie cheɡɛ chiŋ yaa hime, dɛɛ nyin kɛŋɔ Korowii kpɔ ya Korowii doa bwadabii la do yaa,

2 Kɔrent 5:4

Ya taa lɔ ya bwadabii aa do kɛ patare ta nɔ, ya bwara dɛ nyɛɡ, yaa hime. Ya bwadabii nɔ kpɔe dɛ le ya nɛɛ waa laa dena swɛɛ ya siwi. Ya Korowii doa bwadabii la doe waa swɛɛ ya siwi kohona, ásɛ o chiɡ bwadabii waa won sewa nɔ naa ta ya dɔ mkpa.

Ɛfesos 4:8

Ba chwerɛ Korowii Tɔn bini ŋɔ, “O teehnɔ kaa nyundua, dɛ lawɛ nɛra waa laɡ ba laa ta kaa, asɛ o kɛ nɛra kwa.”

Wepila 11:12

Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.

Sitɔɔla 17:10

Anee Maeka ŋɔ o be ŋɔ, “So n be bonɔ dɛ berɛ n mɛɛ ne n kerekpoŋri, ásɛ benanyoa bɛlbwa mɛɛ tɛɛ suuɡapoŋa fi ne laala dɛ kondikwa.”