2 Koranar 2:1 - mzwDBL

¹ Saŋ bɛl telo kɛŋɔ dɛ Korowii dɛ ba Elaeja kpɔe dɛ́ kaa nyundua kawulewule ne. Dɛ Elaeja ne o bonɔɔ bɛl baa dɛ yerɔ Elaesa dɛ ba Gelɡal lee dɛ́ kaa.

2 Koranar 2:1 ပူးပေါင်းရင်းမြစ်များ

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

1 Koranar 19:11

Asɛ Korowii ŋɔ, “Le ka che bwe la doa n sie. Asɛ men Korowii teŋe ba kaa.” Asɛ peu o nyoa aa kpeɡa tɔ o sie, dɛ paɡre deŋɡarere, dɛ peɡri bweɡuŋe. Kɛ dɛ Korowii toole peu la bini. Peu la aa taa tonɛ la, harɛ jiɡro, kɛ dɛ Korowii toole harɛ waa jiɡra la ta.

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

2 Koranar 1:18

Waa Kooro Ahasia aa ɛa o kora dii ta bwa la, ba chwera do Israel Koranar Waa Tɔne bini.

2 Koranar 2:11

Ba taa bol waa dɛ valɛ dɛɛ kaa la, buɡ la ta, dɛ torɔɡo ne jaɡre baa che Elaesa ne Elaeja baah ta a bwa ɛɛ lawɛ nii, asɛ buɡ la ta, kawulewule den ba kpɔ a ne Elaeja kaa nyundua.

2 Koranar 4:38

Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

Job Tɔn 38:1

Korowii chaŋe Job le peujen la bini ŋɔ,

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

Hibru 11:5

Yaradaa Enɔk yarada Korowii, asɛ Korowii kpɔɔ kaa o be nyundua, dɛ o ta sewɛ. Ba nyin o bɔr kahonɛ, dɛkalkɛŋɔ dɛ Korowii kpɔɔ kaa nyundua. Ba chwerɛ o waa kɛŋɔ Korowii aa wola on kpɔe kaa o be mɔɔ la, dɛ Korowii sie lɛ o nɛ.

Josua 4:19

Korobie waa tɔ sie, o tɔpera fi taa ba le Jɔɔdan Moo la, dɛ ka baŋre ba tɛnte deene Gelɡal. O lɔ bwɛjen Jeriko harɛ jwɛh wee leebɔr.

Josua 5:9

Asɛ Korowii ŋɔ Josua be ŋɔ, “N laa yoma haa ɛa Ijipt harɛ ta la sihiih kpɔ he sie ta fini.” Anomanta, ba dɛ yerɛ bela Gelɡal dɛ ba le fini.

Wepila 11:12

Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.