2 Koranar 18:8 - mzwDBL

⁸ O yo Filisti tena dɛ pɔ ba nɛ, bwɛjena ne anɔ la baa ma danjwɛkpeɡ bara bwa, dɛ kpoŋe ka le bwɛjen Gasa bwa.

2 Koranar 18:8 ပူးပေါင်းရင်းမြစ်များ

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

2 Koranar 17:9

Waa aa ɡwaala kwaraa kɛŋɔ, Israel tena sɔɔh ɛ waa aa wola Korowii baa dɛ tomɔ tea toorɛ. Ba cheɡ voɡare ba bwɛjeɡre ne bwɛjena baa ma danjwɛɛre bara bwa ta.

2 Webena 28:18

asɛ Filisti tena ɡe ba lɔ tɔ Juda harɛ ta bwɛɛre aa lɔ deŋɡarere ta, ne Nɛɡɛv pua hɛŋle ɡbo harɛ tena nɛ. Ba yoo dɛ lɛ bwɛjena Bɛt Sɛmɛs ne Aejalɔn, ne Gɛdɛrɔt ne Soko ne Temna dɛ Gimso, ne a bwɛjeɡre aa bara bwa dɛ so a ta.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

1 Webena 4:41

Baala baa chwerɛ ba sɔna la balɔ Juda Kooro Hɛsɛkea bere saŋ. Ba kaa yo Ham tena la ba soŋnibɔra, ne Meuni tena ba ɡe aa lɔ bela, dɛ chɔɡ ba kwaraa. A ɛ danseɛ dɛ ba le fini. Ba kpɔ ba soŋnibɔra la so, dɛkalkɛ ba peera dɔ kondikwaa kohona dɛ́ di bela.

Mmarare 2:23

Gɛɛ Avi tena baa soɡe bwɛjeɡre ane ta ka tel Gasa ɡe faa na. Nɛra bane baa dɛ yer ba Kaftɔ tena aa le Kaftɔ dɛɛ ba la, ba kpoo ba dɛ so ba buɡ ta.

Josua 15:47

Asdɔd ne bwɛjena ne anjeɡre aa baro, ne Gasa ne bwɛjena ne bwɛjeɡre aa baro, dɛ kpoŋe kaa Ijipt jwɛh ta ne Mɛdetereenea Mpo la nyoa.

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.