2 Koranar 18:7 - mzwDBL

⁷ Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.

2 Koranar 18:7 ပူးပေါင်းရင်းမြစ်များ

Mumpar 21:22

A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ.

2 Samoɛl 8:14

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

2 Koranar 16:7

Ate, Kooro Ahas tomɛ nɛra Asiiria koojen Tiɡlat Pilesa be kɛŋɔ, “N ɛ he bonɔɔ tenten, ba lɛɛ mɛ, Siiria kooro ne Israel kooro dɛ yoo mɛ.”

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

2 Koranar 18:14

Ate, Kooro Hɛsɛkea tomɛ ŋɔ bá la Asiiria koojen be bwɛjen Lakes ta, dɛ́ ka ŋɔ o be ŋɔ, “N naa, n poori, n ɛ wechɔɡa, suuɡa bɛlbwa haa dɛ nyin la mɛɛ bɔɔ tɛɛ, ásɛ he le n nɛɛ kaa.” Asɛ Asiiria koojen ŋɔ o kpɔ suuɡapoŋa a tɔɡre aa ɛ kilore kaɡboŋa fi lafraanɛ, ne suuɡaswɛm a tɔɡre aa ɛ kilore kaɡboŋ fifraanɛ ba tɛo.

2 Koranar 18:20

O ŋɔ, “He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ?

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 31:21

Wobɛlbwa Kooro Hɛsɛkea aa ɛa Korowii Dea Jerusalam, ne ɡɛ waa teŋɛ Korowii Mmarare, ne waa waa doo a ta bambile bwa ne la ɡelɔ o wobɛlbwa chiɡu kɛrɛdɛ.

2 Webena 32:30

Gɛ saŋ Kooro Hɛsɛkea aa di kora la, onee ɡela ba kwi bɔɔ le Gehɔn bule ta, asɛ nee kpɔ o bini palɛ dɛɛ ba Jerusalam. Kasinteŋ, wobɛlbwa Kooro Hɛsɛkea aa ɛa la, a chiɡu kɛrɛdɛ.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 60:12

Korowii ja ya nɛ aa, yaa yoo, dɛ́ pɔ ya dɔma nɛ. Wɛɛ tiɡri ya dɔmaa do harɛ.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 36:5

He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ?

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

1 Samoɛl 18:14

Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.

1 Samoɛl 18:5

Kooro Sɔɔl tomɛ Devid ŋɔ ó ka ɛ wobɛlbwa naa, o dɛ ɛa kɛrɛdɛ. Anomanta, o ɛo o laa nomonjena la bini bɛl. Gɛ waa nɔ lɛ Kooro Sɔɔl nomonome ne o nɛra bwa sie.