2 Koranar 18:5 - mzwDBL

⁵ Dɛ Korowii Israel tena aa dɛ tomɛ la nɛɛ Kooro Hɛsɛkea kpɔ o te dawɛ. Juda harɛ ta koranar la bwa bini, banɔ la baa di kora mɔɔ Kooro Hɛsɛkea ba di, ne banɔ la waa dia mɔɔ ba ba di la, dɛ o dɔŋ toole.

2 Koranar 18:5 ပူးပေါင်းရင်းမြစ်များ

2 Koranar 18:19

Asiiria laa sitɔɔla la bini bɛl ŋɔ ba be ŋɔ, Asiiria koojen dɛ nyin ó jemɛ waa Kooro Hɛsɛkea a dena dɛɛ hwɛɡɛ a ta.

2 Koranar 19:10

“Bɛ he Korowii haa dɛ tomɔ dɛ kpɔ he te dawɛ o nɛɛ la neɡre kɛŋɔ, Asiiria koojen la aa won yo lɛ Jerusalam.

2 Koranar 23:25

Kooro bɛlbwa ta do kɛ Kooro Josia, dɛ nyin Korowii o bambile bwa, o hweera dɛ o bokpeɡa bwa ne, ɡɛ waa aa lɔ Mosis Mmara la bini bwa aa dɛ baɡle la.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

2 Webena 20:35

A habɔɔ, Juda Kooro Jehosafat ne Israel Kooro Ahasia o nyu bini aa kpeɡa kohona la fɔwɛ nyopɛo fɔo.

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Yela 13:5

N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

Yela 84:12

Nemenɛ Korowii, nomɛlbwa waa kpɔ o te dawɛ he nɛɛ la, o na som.

Aesaya 36:7

Kooro Hɛsɛkea ta ɡelɛ he chɔɡ kwaa haa dɛ toma bwea dor dɛ ŋɔ Juda harɛ ta ne Jerusalam tena bwa be ŋɔ báa tomɛ kombeŋkpoŋ ta Jerusalam aa?

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Ɛfesos 1:12

ásɛ nɛra won nyiŋi ya banɔ la yaa fela dɔ hwɛɡa Yeesu Kristo waa ta la, dɛ́ kpɛɛro, dɛ́ tɛo jirima.