2 Koranar 18:4 - mzwDBL

⁴ O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Koranar 18:4 ပူးပေါင်းရင်းမြစ်များ

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

2 Koranar 12:3

Kɛ Kooro Joas ta ɡelɛ ba chɔɡ bɔra voɡtoroma aa dɛ tomɛ ba voɡa, asɛ ba ta teŋɛ ɛ sarahare dɛɛ fuh daawiile a sɔɔh aa soma bela.

1 Koranar 22:43

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be. Deŋɡarere voɡtoroma aa dɛ kpoo kwaa a ta la te, o ta an chɔɡɛ, ba ta teŋɛ kpoo kwaa dɛɛ fuh daawiile a sɔɔh aa soma bela.

Sitɔɔla 6:28

Bwɛɛ la tena aa ira chɔɔ la, ba nao kɛŋɔ ba kuuɡi voɡ Baal saraha kon la, dɛ teŋe voɡ Asera dajaŋ waa cheɡɛ o jwɛɛh la, dɛ berɛ fuh nabal nɛɛte saraha konfale la ta.

Sitɔɔla 6:25

Awola jwaana la tenten Korowii ŋɔ Gedeɔn be ŋɔ, “Lawɛ he mɛɛ nabal, ne nabal bɛl waa di bene anuanɛ, dɛ́ kpɔ ka ɛ we-ɛɛla, dɛ́ kuuɡi kon he mɛɛ aa ɛ saraha o ta dɛɛ tɛ voɡ Baal, ásɛ dɛ teŋe voɡhaah Asera dajaŋ waa cheɡɛ o jwɛɛh la ta,

Mmarare 7:5

Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

2 Webena 33:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡ Baal waa ɛ baa, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie, dɛ weweela bwa.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Koranar 16:15

Anee Kooro Ahas ŋɔ sɔfo Uria be ŋɔ, “Chɔɔbɔr sarahare baa fuah ne mea sarahare baa ɛa jɔmɔra, ne kooro sarahare waa fuah ne mea sarahare ne harɛ la nɛra bwa sarahare baa fuah, ne mea sarahare dɛ sen sarahare bwa la, ɛa saraha konjen onfale la ta. Kpɔ kwaa baa kpoora fuh ɛ saraha la chal merɛ saraha kon la ta. Kɛ saraha kon baa kpɔ ayaawa ɛo, dɛ kpoo kwaa dɛɛ ɛ saraha o ta la te, ó ɛ n ɡbo kon ń kpɔ dɛɛ voɡɛ.”

2 Koranar 15:35

O ta voɡa baa kpoo kwaa a ta dɛ ɛ sarahare dɛɛ fuh daawiile a ta la chɔɡɛ. Nɛra teŋɔ kpoo kwaa ɛ sarahare dɛɛ fuh konsɔɔhsoma a ta. Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la.

2 Koranar 15:4

O ta bɔra voɡtoroma aa dɛ ɛ sarahare la chɔɡɛ. Dɛ nɛra la teŋɔ kpo kwaa dɛɛ ɛ sarahare dɛɛ fuh daawiile a sɔɔh aa soma bela.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

2 Koranar 21:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

Aesaya 36:7

Kooro Hɛsɛkea ta ɡelɛ he chɔɡ kwaa haa dɛ toma bwea dor dɛ ŋɔ Juda harɛ ta ne Jerusalam tena bwa be ŋɔ báa tomɛ kombeŋkpoŋ ta Jerusalam aa?

Mmarare 5:5

Dɛ n cheɡɛ he ne Korowii baah ta ɡɛ saŋ dɛ baɡle heyaa o waa bini he ɔmɛ nii la. He ta bwe la teehnɛ. O bolɔ ŋɔ,

2 Koranar 10:26

dɛ kpɔ bwe baa pao ɛ voɡ dɛɛ tomɔ la le dea la bini dɛ fuuh.

2 Koranar 11:18

Harɛ la ta nɛra bwa la voɡ Baal dea, dɛ ka paɡre kwaa baa kpoo kwaa a ta dɛ ɛ saraha dɛɛ tɛo, ne voɡare aa lɔ dea la bini bwa kwaraa. Dɛ lawɛ o kerekpoŋri baa dɛ yerɔ Matan, dɛ kpoo kon baa dɛ ɛ saraha o ta la sie. Asɛ sɔfo Jehoiada ɡel nɛra baa dɛ daah la ka che dɛɛ daah Korowii Dea la.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.