2 Koranar 18:16 - mzwDBL

¹⁶ Kooro Hɛsɛkea berɔ laa suuɡaswɛm o ɡbabir aa kpɔa bɔle Korowii Dea ɡbeni, ne anɔ la waa kpɔa bɔle doonyoa daa la ta swe, dɛ kpɔa ja ka tɛ Asiiria koojen la.

2 Koranar 18:16 ပူးပေါင်းရင်းမြစ်များ

2 Webena 29:3

Kooro Hɛsɛkea aa di kora benanyoa beŋkpoŋ korobiloɡle ta la, o berɔ kwaa pili Korowii Dea ɡbeni, dɛ ɡel ba kwaara.

2 Koranar 12:18

Asɛ Kooro Joas kpɔ kondɛɛɡa aa do ɡoroŋ o ne o naawa koranar Jehosafat, ne Jehoram dɛ o mɛɛ Kooro Ahasia aa kpɔa do Korowii nɔn ta, dɛ kpɔ o kwaa ja dɛ suuɡaswɛm aa lɔ deene baa dɛ cheɡ laala a yoɡ aa kpeɡa a bini Korowii Dea ne koodem bwa, ka kɛ Kooro Hasael, asɛ o ɡel Jerusalam tena ba yoi.

2 Koranar 18:15

Asɛ Kooro Hɛsɛkea kpɔ suuɡapoŋa aa lɔ Korowii Dea, ne anɔ la aa lɔ dejeɡre baa dɛ cheɡ laala a yoɡ aa kpeɡa a bini koodem bwa ka tɛo.

2 Koranar 18:17

Asiiria koojen tomɛ o nomonjena batoro, laa sitɔɔla nomoa ne o ɡbaɡba nachiɡe ne o laa nomoa ŋɔ, bá le Lakes, dɛ́ kpɔ laa tena baa wara ja, dɛ́ la Kooro Hɛsɛkea be Jerusalam. Baa laŋa la, ba kaa che ŋwɛnɛ waa bɛne bobɛl nee aa pala dɛɛ kpɔ, dɛ le nyundua tam bɛl ta dɛɛ jo bwɛjen la ta, bela nɛra bane baa dɛ ɛ yale aa lole.

Aesaya 39:2

Kooro Hɛsɛkea lɛ toroma la silɛɛ ne, asɛ dɛ kpɔ o kara mun kwaa aa lɔ dem, suuɡapoŋa ne suuɡaswɛm, ne konsɔɔhsoma ne nodɛɛɡa, dɛ o dɔmkwaa ne bela waa dɛ cheɡa bwa baɡ ba. Komɛlbwa toole dɛ do o dem kɛɛ harɛ la ta waa wola ban baɡlɛ.

2 Koranar 12:19

Wobɛlbwa Kooro Joas aa ɛa ɡɛ saŋ waa dɛ di kora Juda harɛ ta la, ba chwera do Juda Koranar Waa Tɔne bini.