2 Koranar 18:11 - mzwDBL

¹¹ Asiiria koojen lawɛ Israel tena kaa o harɛ ta, dɛ kpɔ bane so Hala, bane so Habɔ Moo nyoa Gosan harɛ ta, bane ɡe ka so Midia tena bwɛjena ane ta.

2 Koranar 18:11 ပူးပေါင်းရင်းမြစ်များ

1 Webena 5:26

Anomanta, Korowii Israel tena aa dɛ tomɔ ɡelɔ Asiiria koojen Pul baa bera dɛɛ yerɔ Tiɡlat Pilesa ka yoo ba, dɛ lawɛ Rubin ne Gad dea, dɛ Manasɛ dea pera tena bwa laa ta kaa harɛfale ta. O kaa bane Hala ne Habɔ ne Hara dɛ Gosan Moo ta. Ba lɔ bela dɛ ba le fini.

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

We-ɛɛla 7:43

Voɡ Molɛk la dea ne wewee haa mao dɛɛ tomɔ dɛɛ yerɔ Refan la laa he che dɛɛ ɡaaɡe la aa? He ɡbaɡbaa fa ma a ɡɛ voɡa nɔ dɛɛ toma. Anomanta, mɛɛ lawɛ heyaa kaa Babelɔn harɛ ta dɛ́ kaa he ne bojaŋ.’

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Aesaya 10:11

maa won ɛ Jerusalam harɛ ne o voɡare ɡe ɡɛ maa ɛ Samaria harɛ ne o voɡare la kɛɛ?’ ”

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

2 Koranar 19:11

A lole kɛŋɔ he no ɡɛ Asiiria koojen bɛlbwa aa ɛ harɛre nɔ bwa, dɛ chɔɡa kwaraa. He te ɛɛ won le a nyoa aa?

2 Koranar 21:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel bá doŋ ba le harɛ maa kpɔa tɛ ba naawa la ta.”

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

Aesaya 36:2

Asɛ Asiiria koojen tomɛ o laa nomoa ne laa tena baa wara, ba le Lakes dɛ ba Kooro Hɛsɛkea be Jerusalam. Laa nomoa la aa laŋa la, o kaa che bɔɔ baa kwiu feelɔɔ ken le nyundua tam la ta, nee palɛ dɛɛ kpɔ o bini la harɛbɔr. O lɔ ŋwɛnɛjen waa kaa bela baa dɛ ɛ yale toma.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.