2 Koranar 17:4 - mzwDBL

⁴ Koojen Salmaneesa baa na kɛŋɔ Kooro Hosia aa toɔ bɔe dɛɛ tɛo ɡɛ o fa aa dɛ bɔa benanyoa bɛlbwa la kpa. Dɛ Kooro Hosia ɛo dɔm, dɛ ɡel torome ka ŋɔ Ijipt Kooro baa dɛ yerɔ So be kɛŋɔ ó chao, ásɛ o le Asiiria koojen lɔɡa. Asɛ Koojen Salmaneesa no, dɛ ɡel ba ka lawɛ Kooro Hosia ka do dea.

2 Koranar 17:4 ပူးပေါင်းရင်းမြစ်များ

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

2 Koranar 17:5

Asiiria koojen kaa yo Israel tena, dɛ lɛ harɛ la bwa dɔɔh, dɛ tɔ Samaria tena do bene atoro.

2 Koranar 18:21

Na, dɛ Ijipt Kooro nɛɛ he kpɔ he te dawɛ aa, aa doo kɛŋɔ haa kpɔ pul ɛ daŋɡbala, ásɛ o ku dɛ́ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.”

2 Koranar 24:1

Kooro Jehoiakim kora dii saŋ, Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, asɛ Kooro Jehoiakim do o lɔɡa bene atoro dɛɛ tomɔ. Kɛ o berɔ le Kooro Nebukadnesa habɔɔ.

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Koranar 25:7

Ba kpoo Kooro Sedekia bibaala o siwi ta, dɛ foromi o ɡe sibie, dɛ doo ayaawa jɔɡrɔre, dɛ kpɔɔ kaa Babelɔn.

2 Webena 32:11

Kooro Hɛsɛkea ŋɔ, ‘Korowii haa dɛ tomɔ la ɛɛ lɛ heyaa le n nɔn taa,’ yaa, neɡraa wɛɛ neɡre heya, ásɛ nyɔɡre ne lɔr kpo heyaa he serewe.

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 13:10

Hé ŋɔ ń tɛ heyaa kooro ne nomonome, asɛ n tɛ heya, kɛ ɛrɛɛ baa ba wona lɛ heya ɔ?

Hosia 8:10

Ba yoɡ ba te tɛ ɡɛ te, kɛ taraken mɛɛ berɔ boa ba nyoa. Baa na hɔhɔrɔwa kohonaa Asiiria koojen nɔn ta.

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.