2 Koranar 17:3 - mzwDBL

³ Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

2 Koranar 17:3 ပူးပေါင်းရင်းမြစ်များ

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

2 Koranar 15:20

Kooro Mɛnahem lɛ suuɡapoŋa fifraanue le baa bɛlbwa o nɔn bini aa wera be, dɛ kpɔ tɛ Asiiria koojen la, asɛ o le Israel harɛ ta dɛ kaa.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

2 Koranar 17:2

Kooro Hosia ɛ wechɔɡa dɛ jo Korowii nɛ, kɛ o wechɔɡa la ta Israel koranar baa tɔ sie la kwaa baa ɛa la tele.

2 Koranar 17:4

Koojen Salmaneesa baa na kɛŋɔ Kooro Hosia aa toɔ bɔe dɛɛ tɛo ɡɛ o fa aa dɛ bɔa benanyoa bɛlbwa la kpa. Dɛ Kooro Hosia ɛo dɔm, dɛ ɡel torome ka ŋɔ Ijipt Kooro baa dɛ yerɔ So be kɛŋɔ ó chao, ásɛ o le Asiiria koojen lɔɡa. Asɛ Koojen Salmaneesa no, dɛ ɡel ba ka lawɛ Kooro Hosia ka do dea.

2 Koranar 18:31

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne.

2 Koranar 18:7

Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Aesaya 17:4

Korowii ŋɔ, “Awola tɔpere la, Israel jirima waa dɔa la ɛɛ tonɔɔ, ásɛ nyaa chiɡ o kondɔɔh naa ta.

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Ɛsekeɛl 23:5

Ohola le n habɔɔ, dɛ kaa teŋɛ Asiiria baala nɛ.

Hosia 10:14

he nɛra ɛɛ no laa ɡbɔɡaa, ásɛ he dekpeɡa bwa chɔɡ. Aa doo kɛŋɔ Kooro Salman aa kpɔ laa ba chɔɡ bwɛjen Bɛt Aabɛl, dɛ kpoo haahna ne ba bii bil la.

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Hosia 8:10

Ba yoɡ ba te tɛ ɡɛ te, kɛ taraken mɛɛ berɔ boa ba nyoa. Baa na hɔhɔrɔwa kohonaa Asiiria koojen nɔn ta.

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.