2 Koranar 17:23 - mzwDBL

²³ dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

2 Koranar 17:23 ပူးပေါင်းရင်းမြစ်များ

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

2 Koranar 17:13

Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”

Emɔs 5:27

ɡɛ saŋ maa lawɛ heyaa kaa bojaŋ harɛfale ta, Damaskɔs baŋ le la. Men Korowii Maa Ɛ Koranar Bwa Kooroo bola.”

2 Koranar 17:20

Anomanta, Korowii berɛ habɔɔ kpo Israel tena bwa. O tɛr ba deŋne, dɛ kpɔ ba do ba dɔma nyubinikpeɡ tena nɔn ta, ka tel kɛŋɔ waa doŋ ba le o sie.

2 Koranar 17:18

Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

Maeka 1:6

Anomanta, Korowii ŋɔ, “Mɛɛ ɡeloo Samaria berɛ dimɡbia, baa parɛ ɡrepo daa koonii, dɛ́ kpɔ a nɔna dɛɛ ɛ sen bela, dɛ́ taɡɛ o danjwɛɛ bwea bwa ka do fɛlembɔjen ta, ásɛ o mumpar bwea bwa chɔ baŋ.

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

2 Koranar 17:22

Ba teŋɛ Kooro Jɛroboam wechɔɡa ta, dɛ teŋɛ dɛɛ ɛa,

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

Josua 23:13

ate he jemɛ kɛrɛdɛ kɛŋɔ Korowii haa dɛ tomɔ la aa he sie tɔ dɛ́ doŋ ba tɛ heyaa kpa. Baa doo kɛŋɔ bela ken dɛ́ tɛ heya, ne chweremi dɛɛ cha he nyaŋ ta, dɛ sɔɔhne aa tɔɡre he sibie, ka tel kɛŋɔ he bwa aa serewa le harɛdɛɛɡe nɔ Korowii haa dɛ tomɔ aa kpɔa tɛ heyaa nɔ ta.”

Sitɔɔla 18:30

Dan dea tena cheɡ voɡa la bwɛɛ la ta dɛɛ toma, asɛ dɛ kpɔ Jonatan ɛ ba kerekpoŋri. O mɛɛ sɔne Gɛɛsɔm, Gɛɛsɔm ɡe mɛɛ sɔne Mosis. Jonatan bibaala ɛ ba sɔfore dɛ kpoŋe ka tel saŋ nɛra bane aa baa laɡ ba laa ta kaa harɛfale ta.

2 Koranar 3:3

Dɛ o teŋɔ dɛɛ ɛ Nɛbat bibaa Kooro Jɛroboam wechɔɡa waa ɛa, dɛ ɡel Israel tena ɛ wechɔɡa dɛ jo Korowii nɛɛ la ane.

2 Koranar 13:23

kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

2 Koranar 21:14

Mɛɛ vɛh n nɛra baa kaa laanee, dɛ́ kpɔ ba do ba dɔma nɔn ta. Ásɛ ba dɔma la yoo ba, dɛ́ pɔ ba nɛ, dɛ́ kpɔ ba harɛ kɛŋɔ baa dɛ pa laa ta kwaa ken.

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

2 Koranar 24:3

Gɛ waa nɔ ɛo ɡɛ Korowii aa ŋɔa wɛɛ ɛo dɛ́ doŋ ba le o sie, Juda tena wechɔɡa Kooro Manasɛ aa ɛa la wa

2 Koranar 25:21

Ribla waa lɔ Hamat harɛ taa Babelɔn kooro ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Maeka 2:5

Anomanta, bɛlbwa toole Korowii nɛra bini dɛ́ dɔ harɛ la le bie tae bini.