2 Koranar 17:18 - mzwDBL

¹⁸ Anomanta, Korowii baah di Israel tena nɛɛ taeh, dɛ doŋ ba le o sie. Juda dea tena ɡboo baa ka.

2 Koranar 17:18 ပူးပေါင်းရင်းမြစ်များ

1 Koranar 11:32

N bonɔɔ Kooro Devid ne bwɛjen Jerusalam maa lea le Israel deene bwa bini la nomanta, dea beŋkpoŋ nɛraa dɛ́ ɛ o nɛra.

1 Koranar 11:13

Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

1 Koranar 12:20

Baa noa kɛŋɔ Jɛroboam berɔ le Ijipt harɛ ta ba la, ba tomɛ nɛra ba ka kpɔɔ ba ba baah ta, dɛ ba cheɡo Israel harɛ ta bwa kooro. Juda dea tena ɡboo teŋɛ Kooro Devid luɡe tena nɛ.

1 Koranar 11:36

Mɛɛ kpɔ dea beŋkpoŋ nɛraa do o nɔn ta, ɡɛ aa ɛ ásɛ n dɔ n bonɔɔ Devid naa saŋ bɛlbwa wɛɛ di kora Jerusalam, bwɛjen maa lea cheɡ ŋɔ baa tom mɛ la ta.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

2 Koranar 13:23

kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

Josua 23:15

Gɛ Korowii aa wona baɡɛ heyaa nyoa a bwa won ɛ nɔ, ɡɛɛ wɛɛ ba wona chɔɡ heya, ka tel kɛŋɔ waa kpoo heyaa le harɛdɛɛɡe nɔ waa kpɔa tɛ heyaa la ta.

Josua 23:13

ate he jemɛ kɛrɛdɛ kɛŋɔ Korowii haa dɛ tomɔ la aa he sie tɔ dɛ́ doŋ ba tɛ heyaa kpa. Baa doo kɛŋɔ bela ken dɛ́ tɛ heya, ne chweremi dɛɛ cha he nyaŋ ta, dɛ sɔɔhne aa tɔɡre he sibie, ka tel kɛŋɔ he bwa aa serewa le harɛdɛɛɡe nɔ Korowii haa dɛ tomɔ aa kpɔa tɛ heyaa nɔ ta.”

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

Sitɔɔla 18:30

Dan dea tena cheɡ voɡa la bwɛɛ la ta dɛɛ toma, asɛ dɛ kpɔ Jonatan ɛ ba kerekpoŋri. O mɛɛ sɔne Gɛɛsɔm, Gɛɛsɔm ɡe mɛɛ sɔne Mosis. Jonatan bibaala ɛ ba sɔfore dɛ kpoŋe ka tel saŋ nɛra bane aa baa laɡ ba laa ta kaa harɛfale ta.

2 Koranar 21:14

Mɛɛ vɛh n nɛra baa kaa laanee, dɛ́ kpɔ ba do ba dɔma nɔn ta. Ásɛ ba dɔma la yoo ba, dɛ́ pɔ ba nɛ, dɛ́ kpɔ ba harɛ kɛŋɔ baa dɛ pa laa ta kwaa ken.

2 Koranar 24:3

Gɛ waa nɔ ɛo ɡɛ Korowii aa ŋɔa wɛɛ ɛo dɛ́ doŋ ba le o sie, Juda tena wechɔɡa Kooro Manasɛ aa ɛa la wa

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.