2 Koranar 16:8 - mzwDBL

⁸ Anee Juda Kooro Ahas kpɔ suuɡapoŋa ne suuɡaswɛm aa lɔ Korowii Dea, ne deene baa dɛ cheɡ laala a yoɡ aa kpeɡa a bini koodem la, dɛ tomɛ ba kpɔ ka kɛ Asiiria koojen la.

2 Koranar 16:8 ပူးပေါင်းရင်းမြစ်များ

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

2 Webena 16:2

Kooro Asa kpɔ suuɡapoŋa ne suuɡaswɛm cheɡ deene baa kpɔ kwaa a yoɡ aa kpeɡa dɛɛ cheɡ a bini Korowii Dea la, ne anɔ la aa lɔ o koodem bela, dɛ tomɛ ba kpɔ ka tɛ Siiria Kooro Bɛn Hadad, dɛ o soɡe Damaskɔs waa ɛ harɛ la bwɛjen tenten ta dɛɛ di kora.

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Maeka 1:14

Juda harɛ tena, hé kal Mɔresɛt Gat tena dɛ́ le bwɛɛ la ta, Israel koranar aa chae bɛlbwaa dɔ le Aksib tena be.

2 Koranar 12:19

Wobɛlbwa Kooro Joas aa ɛa ɡɛ saŋ waa dɛ di kora Juda harɛ ta la, ba chwera do Juda Koranar Waa Tɔne bini.

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.