2 Koranar 16:3 - mzwDBL

³ dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

2 Koranar 16:3 ပူးပေါင်းရင်းမြစ်များ

1 Koranar 14:24

Hale dɛ baala dɛ bɔ jwamane voɡare mune harɛ la ta. Juda harɛ ta tena jo kii we-ɛɛla bwa soo siwi nɛra ba fa aa lɔ bela dɛɛ ɛa mɔɔ Korowii doŋ ba le dɛ kpɔ tɛ Israel tena la ta.

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

2 Koranar 17:17

Ba lawɛ ba ɡbaɡba bibaala ne bihaahna kpoo, dɛ fuuh ba ɛ sarahare tɛ ba voɡare. Ba la voɡra ne dobodobo tena be, dɛ kpɔ ba te do waa aa ɛ wechɔɡa ta, dɛ jo Korowii nɛɛ dɛ ir o bwaawee.

2 Koranar 17:19

Juda dea tena la ɡe ta wone teŋɛ Korowii baa dɛ tomɔ la mmarare ta. Ba ɡe hweli we-ɛɛla aa wola were Israel tena aa ɛa la.

2 Koranar 17:8

dɛɛ teŋɛ harɛre Korowii aa doŋi a nɛra tɛɛ ba la we-ɛɛla, ne wechɔɡa ba Israel koranar aa ɛa la ta.

2 Koranar 21:11

“Juda Kooro Manasɛ ɛ kii wa. O ɛ wechɔɡa dɛ ɡwaa ɡɛ Amɔre tena ba fa aa soɡe bonɔ la, dɛ ɡel Juda tena ɛ wechɔɡa dɛɛ tomɛ o voɡa.

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

2 Koranar 21:9

Kɛ Juda tena vɛoh, Kooro Manasɛ ɡelɔ ba nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

2 Koranar 8:18

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

2 Webena 22:3

O ɡe teŋɛ waa Kooro Ahab ne o dem tena aa ɛa la ta, dɛkalkɛ o nya doo o ɛ wechɔɡa.

2 Webena 33:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

Yela 106:35

kɛ ba sɛoh ba bii ɛɛ kpɔ dɔŋa, a che a ta, ba kpɔ ba voɡa toma da la.

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Ɛsekeɛl 16:21

He kpoo n bii dɛ kpɔ ba ɛ saraha tɛ voɡa.

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Lewi Dea Tena 18:21

Bɛ he bie bɛlbwa lawɛ tɛ bá kpo ɛ saraha tɛ voɡ Molɛk. Dɛɛ berɛ men Korowii haa dɛ tom mɛ nɔ sɔn chɔɡ ɡɛ. Men Korowiirii bola.

Lewi Dea Tena 20:2

ó bol Israel tena be ŋɔ, “He bini bɛlbwa kɛɛ hɔɔh bɛlbwa waa soɡe he bini, dɛ lawɛ o bie bɛlbwa ɛ saraha ba kpo tɛ voɡ Molɛk la chɛ kɛ bwɛɛ la ta tena foɡro bwea kpo.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 18:10

He bɛ he bibaala kɛɛ bihaahna kpoo, dɛ́ fuuh ba tɛ voɡa. He bɛ ajɔ kɛɛ sɔm ne voɡra ne bebee wa,