2 Koranar 16:16 - mzwDBL

¹⁶ Asɛ sɔfo Uria ɛ ɡɛ Kooro Ahas aa doo ŋɔ ó ɛ la.

2 Koranar 16:16 ပူးပေါင်းရင်းမြစ်များ

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

2 Koranar 16:11

Asɛ sɔfo Uria ɡel ba ma kon baa kpoo kwaa dɛɛ ɛ saraha o ta la dɔŋ. O mao tonɛ mɔɔ Kooro Ahas le Damaskɔs dɛ la.

2 Koranar 16:15

Anee Kooro Ahas ŋɔ sɔfo Uria be ŋɔ, “Chɔɔbɔr sarahare baa fuah ne mea sarahare baa ɛa jɔmɔra, ne kooro sarahare waa fuah ne mea sarahare ne harɛ la nɛra bwa sarahare baa fuah, ne mea sarahare dɛ sen sarahare bwa la, ɛa saraha konjen onfale la ta. Kpɔ kwaa baa kpoora fuh ɛ saraha la chal merɛ saraha kon la ta. Kɛ saraha kon baa kpɔ ayaawa ɛo, dɛ kpoo kwaa dɛɛ ɛ saraha o ta la te, ó ɛ n ɡbo kon ń kpɔ dɛɛ voɡɛ.”

2 Koranar 16:17

Ate, Kooro Ahas laa kwaa aa maɡre ayaawa saraha kon la keŋkeŋni la, ne loɡa aa do kɛŋɔ torɔɡo nakpale la laa kpɔ a chebɔra. Dɛ berɛ laa ayaawa loɡbajen baa dɛ yerɔ Mpo o chɔŋɛ nabali fi dɛ anɛ baa kpɔ ayaawa ɛa la ta, dɛ kpɔ chɔŋɛ bwe ta.

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

2 Webena 33:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ saŋ bɛlbwa la.

Aesaya 8:2

Mɛɛ ɡeloo n dea sɔfo Uria ne Sekaria baa dɛ yerɛ o mɛɛ Jɛbɛrkea ɛ n danseɛ tena. Ba waa dɔ kasinteŋ.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.