2 Koranar 16:11 - mzwDBL

¹¹ Asɛ sɔfo Uria ɡel ba ma kon baa kpoo kwaa dɛɛ ɛ saraha o ta la dɔŋ. O mao tonɛ mɔɔ Kooro Ahas le Damaskɔs dɛ la.

2 Koranar 16:11 ပူးပေါင်းရင်းမြစ်များ

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Daneɛl 3:7

Anomanta, harɛre nɛra bwa ne wobol bɛlbwa nɛra baa le harɛre ta ba aa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii la, ba den ɡuŋi dɛ duu suuɡaswɛm voɡ Kooro Nebukadnesa aa cheɡo la.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Aesaya 8:2

Mɛɛ ɡeloo n dea sɔfo Uria ne Sekaria baa dɛ yerɛ o mɛɛ Jɛbɛrkea ɛ n danseɛ tena. Ba waa dɔ kasinteŋ.”

2 Koranar 16:10

Asɛ Kooro Ahas la Damaskɔs, dɛ ka pu Asiiria koojen Tiɡlat Pilesa. Waa la bela la, o na kon baa kpoo kwaa dɛɛ ɛ saraha o ta bela, dɛ nyiŋi o mar, dɛ ma o dɔŋ dɛ tomɛ torome o kpɔ ka baɡle sɔfo Uria.

2 Koranar 16:12

Kooro Ahas aa le Damaskɔs kaa la, o kaa na kon la, asɛ dɛ ka ɛ saraha o ta.

2 Koranar 16:14

Dɛ ɛ ayaawa kon baa dɛ ɛ saraha o ta, dɛ kpɔ do Korowii nɔn ta, o che saraha konfale la ne Korowii Dea la baah ta. Anomanta, Kooro Ahas kaa kpɔ ombene la ka cheɡ onfale la weekaŋle nyunduabɔr.

2 Koranar 16:16

Asɛ sɔfo Uria ɛ ɡɛ Kooro Ahas aa doo ŋɔ ó ɛ la.

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

2 Koranar 21:7

Kooro Manasɛ sɛh Asera voɡ dajaŋ, dɛ kpɔ ka pa Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Webena 33:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ saŋ bɛlbwa la.