2 Koranar 15:5 - mzwDBL

⁵ Korowii kpɔ wee ta Kooro Ussia nɛɛ ka tel kɛŋɔ waa baa sewɛ. O ta koodem soɡee kpa, asɛ o bibaa Jotam so koodem bela, dɛ nyiŋi Juda harɛ la ta.

2 Koranar 15:5 ပူးပေါင်းရင်းမြစ်များ

Lewi Dea Tena 13:46

Weela la taa lɔ o nɛɛ nɔ, ɡɛɛ doŋa ɡe ɛɛ ba o nɛɛ doe. A chɛ kɛ ó le nɛra bini, dɛ́ ɡbo ka so bela baa soɡa la dahara.

Nɛra Kura 12:14

Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”

Yela 72:1

N Naa Korowii, baɡle kooro ɡɛ waa bol wa, dɛɛ pa bole aŋwɛnɛ ta, ɡɛ he wa aa toɡra. Baɡlo o do ɡɛ haa doa la,

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

2 Koranar 7:3

Dɛ baala banaarɛ bane weechɔɡa aa lɔ ba nɛɛ soɡe bwɛjen Samaria doonyoa. Ba ŋɔ dɔŋa be ŋɔ, “Ásɛ ya so bonɔ dɛ́ serewe aa?

2 Koranar 5:27

Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

2 Samoɛl 3:29

Korowiirii dɛ́ tɛr Joab ne o lolanar deŋne a wa. Kórowii kpɔ ŋwɛra kɛɛ bwadabii weechɔɡa, kɛɛ nɛn waa dɛ valɛ daa ne, kɛɛ laa ta seo, kɛɛ kondikwaa nyae, ba ta ba naanar baa ka ba bwa nɛ!”

Mmarare 24:8

Dɛ bwadabii weechɔɡa ane le he nɛ aa, do sie dɛ́ pɛɛ a waa Lewi dea sɔfore la be. N bol ba be, anomanta, ɡɛ baa ŋɔ he be la, hé nyiŋi kɛrɛdɛ dɛ́ teŋɛ a ta.

Nɛra Kura 12:10

Bam la aa le Korowii Dea Cheremibɔr la ta la, bwadabii weechɔɡa ane den le Miriam nɛ, o bwara bwa to kɛŋɔ yabi ken. Asɛ Arɔn ke nyiŋi Miriam, dɛ na kɛŋɔ bwadabii weechɔɡa le o nɛ.

2 Koranar 15:6

Waane aa chiɡ Kooro Ussia kora dii ta, ne anɔ la bwa waa ɛa la, ba chwera do Juda Koranar Waa Tɔne bini.

1 Webena 5:17

Ba chwerɛ ɡɛ naanar nɔ bwa sɔna, ɡɛ saŋ Juda Kooro Jotam aa di kora, ne Israel Kooro Jɛroboam waa teŋa nɛɛ aa di kora.

Hosia 1:1

Korowii pili o waa bini baɡle Beeri bibaa Hosia. A ɡɛ saŋee koranar bane kɛŋɔ Ussia, ne Jotam, ne Ahas dɛ Hɛsɛkea di kora Juda harɛ ta teŋɛ dɔŋa nɛ. Dɛ Jehoas bibaa Kooro Jɛroboam di kora Israel harɛ ta.

Maeka 1:1

Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

2 Koranar 15:32

Remalia bibaa Kooro Pɛka aa di kora Israel harɛ ta la, bennɛɛte taa Kooro Ussia bibaa Jotam di kora Juda harɛ ta.

1 Webena 3:12

ne Amasea ne Ussia dɛ Jotam,