2 Koranar 15:10 - mzwDBL

¹⁰ Asɛ Jabes bibaa Salum vɔrɔwe o vɔrɔwa, dɛ kpoo nɛra o siwi ta Ibleam, dɛ kpɔ kora la di.

2 Koranar 15:10 ပူးပေါင်းရင်းမြစ်များ

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

2 Koranar 15:30

Ussia bibaa Kooro Jotam aa di kora Juda harɛ bene fifraanɛ taa Ɛla bibaa Hosia vɔrɔwe Remalia bibaa Kooro Pɛka vɔrɔwa dɛ kpoo. O chiɡ o naa ta dɛ di Israel harɛ ta kora.

2 Koranar 15:25

Anee Remalia bibaa Pɛka waa ɛ Kooro Pɛkahea laa nomoa vɔrɔwe Kooro Pɛkahea vɔrɔwa, dɛ kpɔ Gelead tena fifraanue ja o nɛ. Ba kaa kpo Kooro Pɛkahea ne baala bane baa dɛ yer ba Aaɡob ne Arie, koodem bela waa ma danjwɛkpeɡ baro bwɛjen Samaria. Asɛ dɛ chiɡ o naa ta di kora.

2 Koranar 15:14

Dɛ Gadi bibaa Kooro Mɛnahem le Tirsa, dɛ la Samaria dɛ ka kpo Jabes bibaa Kooro Salum, dɛ chiɡ o naa ta di kora.

2 Koranar 9:31

Kooro Jehu aa baa tel bwɛɛ la doonyojen ta la, Jɛsɛbɛl ŋɔ, “He ba deŋnesɔɔhna ne naa? Nɛŋkpoa te bɛl le! Henee Simri waa kpo o dɔɔ la!”

2 Koranar 9:24

Ate, Kooro Jehu laa o to ne hɛm kpɔ dɛ ta yaɡɛ Kooro Joram nyaŋ o vah ba le o tom ta, asɛ o sewɛ chɔ o torɔɡo bini.

1 Koranar 15:28

Kooro Asa aa di kora Juda harɛ bene atoro taa Kooro Baasa kpo Kooro Nadab, dɛ chiɡ o naa ta di kora.

2 Koranar 15:9

Kooro Sekaria ɛ wechɔɡa ɡɛ o naawa fa aa ɛa la, dɛ jo Korowii nɛ. Wechɔɡa Kooro Nɛbat bibaa Kooro Jɛroboam aa ɛa dɛ ɡel Israel tena ɡe ɛ wechɔɡa la, o ta an ɡelɛ.

2 Koranar 15:11

Waa ane ɡe Kooro Sekaria aa ɛa o kora dii ta la, ba chwera do Israel Koranar Waa Tɔne bini.

2 Koranar 12:21

O nomonome baa kpoo ba la bɛl sɔne Josabad, o mɛɛ sɔne Simiat, dɛ Jehosabad, o ɡe mɛɛ sɔne Soma. Kooro Joas aa sewa la, ba huɡo o naawa lalbɔɔ bini Jerusalam waa ɛ Kooro Devid Bwɛjen ta, asɛ o bibaa Amasea ba chiɡ o naa ta dɛ di kora.

2 Koranar 14:19

Dɛ ba dɛ vɔrɔwe Kooro Amasea kpoe vɔrɔwa Jerusalam, anomanta, o chwao kaa bwɛjen Lakes ta, asɛ ba tomɛ nɛra ba teŋɛ dɛ ka kpoo bela.

2 Koranar 15:22

Kooro Mɛnahem baa sewɛ, ba ka huɡo o naawa hoɡa ta, asɛ o bibaa Pɛkahea chiɡ o naa ta dɛ di kora.

Hosia 7:7

Ba bandia la do kɛŋɔ fononoo bini nii ken, ba kpɔ kpoo ba koranar. Ba koranar bwa serewɔ, kɛ nomɛlbwa aa men soŋe ŋɔ ń chao.

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.