2 Koranar 14:9 - mzwDBL

⁹ Anee Juda Kooro Amasea tomɛ toroma Israel Kooro Jehoas be, dɛ sɛɡlo ŋɔ, “Lɛbanɔn harɛ ta jabalnadaŋɛ bɛlee fa ira, dɛ ka ŋɔ bela dajen bɛl be ŋɔ, ‘Kpɔ he bihaah tɛ mɛ ń tɛ n bie ó mo.’ Asɛ kpɔɡ bini ol bɛl ɡe ir, dɛ ba tiɡri jabalnadaŋɛ la ta dɛ laa kuuɡi.

2 Koranar 14:9 ပူးပေါင်းရင်းမြစ်များ

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

Yelsom 2:2

Gɛ kpɔɡ fee aa wera dɛ do sɔɔhne baah la, ɡɛɛ haah maa dɛ nyinu do toli bini.

Sɛɡla 26:9

Gɛ sennyɔɔ aa wola won laa sɔɔh kpɔ o nɔn ta la, ɡɛɛ a do kpeɡri tɛ ɡɛne kɛ ó won sɛɡle.

Job Tɔn 31:18

kɛ n bonɔɔne saŋ n nyiŋi nyaara nɛɛ kɛŋɔ ba mɛɛ, dɛ nyiŋi luhaahna nɛɛ le n bechale saŋ,

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Webena 25:18

Anee Israel Kooro Jehoas ɡe tomɛ toroma Juda Kooro Amasea be, dɛ sɛɡlo ŋɔ, “Lɛbanɔn harɛ ta jabalnadaŋɛ bɛlee fa ira, dɛ ka ŋɔ bela dajen bɛl be ŋɔ, ‘Kpɔ he bihaah tɛ mɛ ń tɛ n bie ó mo.’ Asɛ kpɔɡ bini ol bɛl ɡe ir, dɛ ba tiɡri jabalnadaŋɛ la ta dɛ laa kuuɡi.”

1 Koranar 4:33

Dɛ o jemɛ daa ne kpɔɡa waa kɛrɛdɛ, hale o baɡle peleme daa aa lɔ Lɛbanɔn dɛ hesɔp aa moɡa tɔ danjwɛɛre ta, ne ola ne jumbii ne kwaa aa dɛ tuuɡi tea ta ne anɔ la aa dɛ huuh dɛ pɛŋa bwa wa.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

1 Kɔrent 12:15

Dɛ he nakpala ŋɔ o ta nɔn ɛɛ nomanta, o ta bwara ta jae yaa, dɛ nyosonee. O ta nɔn ɛɛ te, kɛ o ɡe ja bwadabii ta.